Buqara.kz سايتى ق ر ءبىرىنشى پرەزيدەنتى مەن شىعىس قازاقستانعا ارنالعان بىرەگەي تاريحي جوبانى قولعا الدى، دەپ حابارلايدى Qamshy.kz اقپارات اگەنتتىگى.

2017 جىلدىڭ شىلدە ايىندا كەزەكتى ىسساپارىمەن ءبىزدىڭ وڭىرگە كەلگەن نۇرسۇلتان نازاربايەۆ «مەن شىعىس قازاقستاندى جاقسى كورەمىن»، — دەگەن ەدى.

قازاقستان — ەۋرازيا قۇرلىعىنداعى ەڭ ءىرى ەلدەردىڭ ءبىرى. 2 ميلليون شارشى شاقىرىم اۋماقتا 14 وبلىسى بار ءبىرتۇتاس مەملەكەت ورنالاسقان. ونىڭ ءار ءوڭىرى وزىنشە ەرەكشە.

قازاقستاننىڭ شىعىسى كەن بايلىعىمەن، تابيعي تۇرلىلىگىمەن، دامىعان وندىرىسىمەن جانە جوعارى دەڭگەيلى بىلىمىمەن ەرەكشە. قازاقستاننىڭ ءبىرىنشى پرەزيدەنتىنىڭ شىعىس قازاقستانعا دەگەن ەرەكشە ىقىلاسى جوق جەردەن پايدا بولعان ەمەس. بۇل جولدا اۋىر كۇندەر دە، بىرلەسە جەتكەن جەتىستىكتەرگە دەگەن قۋانىشتار دا، ماقتانىش پەن ءوزارا قۇرمەت تە بار.

ءبىز، قازاقستان پرەزيدەنتىنىڭ وڭىرىمىزگە ەرەكشە نازار اۋدارعان ءبىرقاتار تاريح پاراقتارىن ەسكە ءتۇسىرۋدى ۇيعاردىق.