نۇرسۇلتان نازاربايەۆ پارتيانىڭ باسقا باسشىلارىنا قاراعاندا ادامدارمەن قيىن ماسەلەلەر بويىنشا اڭگىمەلەسۋدەن جاسقانبايتىن، — دەپ جازادى Qamshy.kz اقپارات اگەنتتىگى.

1989 جىلدىڭ جازىندا نازاربايەۆ قازاقستان كوممۋنيستىك پارتياسى وك ءبىرىنشى ءتوراعاسى بولىپ تاعايىندالدى. ول كەزدە كوپۇلتتى رەسپۋبليكانىڭ ەڭ كۇردەلى ماسەلەلەرىنىڭ ءبىرى ءتىل ماسەلەسى ەدى. قازاق ۇلتىنىڭ شامامەن 15 پايىزى انا ءتىلىن مەڭگەرمەگەن بولاتىن. باسقا ۇلت وكىلدەرى دە بۇل ماسەلەدەن جاسقاناتىن. ورىس ءتىلدى حالىق قازاق ءتىلىن ماجبۇرلەپ وقىتا ما دەپ قورىقتى.

ول كەزدە تۇرعىندارىنىڭ 70 پايىزىن وزگە ۇلت وكىلدەرى قۇراعان وسكەمەن قالاسى الاڭداۋشىلىقتىڭ ناعىز ورتالىعىنا اينالدى.

ادامدارمەن بەتپە-بەت جۇزدەسىپ، جاعدايدى جايلاندىرۋ ءۇشىن نۇرسۇلتان ءابىش ۇلى وسكەمەن قالاسىنا كەلەدى. جينالعان حالىقپەن ساعاتقا تاياۋ سۇحباتتاسقان نازاربايەۆ الاڭداۋشىلاردى سوزىنە سەندىرىپ، ءتىل ماسەلەسى اياسىندا ۇلتارالىق جانجالعا ەشقاشان جول بەرمەيتىنىن مالىمدەدى.

  ال قىركۇيەك ايىندا تىلدەر تۋرالى زاڭ قابىلدانىپ، قازاق ءتىلى - مەملەكەتتىك، ورىس ءتىلى - ۇلتارالىق قاتىناس ءتىلى بولىپ بەكىتىلدى.