شىعىس قازاقستاندا 105 ۇلت پەن ۇلىس وكىلدەرى ءومىر سۇرەدى. بۇعان قالاي قاراۋعا بولادى؟ وداق ىدىراعان ۋاقىتتا بۇرىنعى كەڭەستىك رەسپۋبليكالاردا ۇلتارالىق جانجالدار ءورشىپ، مۇنىڭ ۇلكەن قاتەرگە اينالۋ مۇمكىندىگى ۇلعايدى، — دەپ جازادى Qamshy.kz اقپاراتا اگەنتتىگى.

الايدا، وسكەمەن قالاسى باسقا شەشىمگە كەلدى. 105 ۇلت پەن ۇلىس — بۇل ءىرى مادەني بايلىق، ادامدار اراسىنداعى دوستىق پەن كەلىسىمنىڭ كەپىلى. ەڭ باستىسى — ماسەلەگە دۇرىس قاراۋ.

ءارتۇرلى حالىقتاردىڭ ۇلتتىق مادەني ورتالىقتارى ءبىر شاڭىراق استىنا بىرىگۋدى ۇيعاردى. ۆيدەرگەبۋردت نەمىس مادەني ورتالىعى، شىعىس قازاقستان كارىستەرىنىڭ اسسوسياسياسى، ۆايناح شەشەن مادەني ورتالىعى، سلاۆيان مادەنيەتى قاۋىمداستىعى، وبلىستىق جانە قالالىق قازاق ءتىلى قوعامى، جۇڭگو جانە ۇيعىر مادەني ورتالىقتارى 1992 جىلى تاريحي عيمارات سانالاتىن ەرلەر گيمنازياسىندا باس قوستى.

العاشقى حالىقتار دوستىعى ءۇيىن اشۋعا قازاقستان رەسپۋبليكاسىنىڭ پرەزيدەنتى ءوزى كەلدى. «بولاشاققا باعدار: رۋحاني جاڭعىرۋ» اتتى ماقالاسىندا نۇرسۇلتان ءابىش ۇلى ۇلتتىق قۇندىلىقتاردى ساقتاۋ مەن قايتا جاڭعىرتۋ ءۇشىن ءار قازاقستاندىقتىڭ ءرولىنىڭ ماڭىزدى ەكەنىن اتاپ ءوتتى.

قازاقستاننىڭ شىعىسىندا پايدا بولعان باستاما جەمىستى بولىپ، دوستىق ۇيلەرى باسقا وڭىرلەردە اشىلا باستادى. 1995 جىلى قازاقستان رەسپۋبليكاسى پرەزيدەنتىنىڭ جانىندا جاڭا الەمدە تەڭدەسى جوق ەرەكشە كونسۋلتاتيۆتىك-كەڭەستىك ورگان — قازاقستان حالىقتارى اسسوسياسياسى پايدا بولدى. اسسامبلەيانىڭ مىندەتى مەملەكەتتىك ۇلتتىق ساياساتتى قۇرىپ، ىسكە اسىرۋ.

2017 جىلى وتكەن ەلىمىزدەگى ەڭ العاشقى دوستىق ءۇيىنىڭ 25 جىلدىعى مەرەكەسىندە پرەزيدەنت شىعىس قازاقستاننىڭ ۇلتارالىق جانە ءدىنارالىق بەيبىتشىلىك پەن كەلىسىمنىڭ ۇلگىسى ەكەنىن ايتتى.

يرينا پلوتنيكوۆا