تاۋەلسىز قازاقستان رەسپۋبليكاسى پايدا بولىسىمەن پرەزيدەنتتىڭ الدىنان ەلدىڭ ەگەمەندىگىن ديپلوماتيالىق جولمەن قامتاماسىز ەتۋ ماسەلەسى بوي كورسەتتى، — دەپ جازادى Qamshy.kz اقپارات اگەنتتىگى.

جۇڭگو حالىق رەسپۋبليكاسىنىڭ قازاقستانعا وسىعان دەيىن، ياعني 1969 جىلى 13 تامىز كۇنى جالاڭاشكول ماڭىندا قانتوگىسكە اكەپ سوققان اۋماقتىق نارازىلىعى بولدى. جانجالدىڭ قايتارا ورىن الۋىنا جول بەرمەۋ كەرەك ەدى.

1993 جىلى قازاقستان پرەزيدەنتى نازاربايەۆ العاش رەت قحر-گە ءىسساپار جاسادى. ءىسساپاردىڭ باستى ماقساتى شەكارالىق اۋماقتارداعى ماسەلەلەردى شەشۋ ەدى. جۇڭگو قازاقستاننىڭ شىعىسى مەن وڭتۇستىك-شىعىسىنداعى 944 شارشى شاقىرىم جەردى بەرۋدى تالاپ ەتتى.

نۇرسۇلتان ءابىش ۇلى «قازاقتىڭ جەرىن قايتارىمسىز بەرۋدەن» تۇبەگەيلى باس تارتتى.

1994 جىلى قازاقستان مەن جۇڭگو اراسىندا «قازاق-قىتاي شەكاراسى تۋرالى» كەلىسىمشارتقا قول قويىلدى. 1999 جىلعا قاراي ەكى ەل اراسىنداعى بارلىق شەكارالىق ماسەلەلەر شەشىمىن تاۋىپ، داۋلى اۋماقتاردىڭ 57 پايىزى قازاقستاننىڭ ەنشىسىندە قالدى.

يرينا پلوتنيكوۆا