كەڭەس وداعى تەمىر جول سالۋدا رەسپۋبليكالار اراسىنداعى شەكارانى ەسەپكە المادى. وداقتا وعان قاجەتتىلىك تە بولعان ەمەس. ويتكەنى كولىك اعىمىن شيكىزات وندىرەتىن وڭىرلەردەن ونەركاسىپتىك ورتالىقتارعا ەڭ قىسقا جولمەن باعىتتاۋ بولدى. الايدا، بۇل تاۋەلسىزدىك العان سوڭ كولىك بايلانىسىن قيىنداتىپ جىبەردى، — دەپ جازادى Qamshy.kz اقپارات اگەنتتىگى.

شىعىس قازاقستاندى باسقا وڭىرلەرمەن جالعايتىن تەمىر جول جەلىسى رەسەيدىڭ لوكوت جانە ترەتياكوۆو ستانسيالارى ارقىلى ءوتتى. ەل اراسىنداعى كەدەندىك كەدەرگىلەر جۇك جانە جولاۋشى تاسىمالىنا ەلەۋلى اسەر ەتتى.

قازاقستان پرەزيدەنتى ۇزاق مەرزىمدى «قازاقستان - 2030» ستراتەگياسىندا «تاريحي تۇرعىدان العاندا، ەلiمiزدiڭ اۋماعى ارقىلى شىعىستان باتىسقا جانە كەرi قاراي كولiك لەگi توقتاۋسىز ءوتiپ جاتتى، ال ولاردىڭ جىلجۋ جيiلiگi بۇگiنگi كۇنi دە سايابىرسيتىن ەمەس. قازاقستاننىڭ مiندەتi وتاندىق كولiك-كوممۋنيكاسيا كەشەنiنiڭ باسەكەلەستiك قابiلەتiن جانە اۋماعىمىز ارقىلى وتەتiن ساۋدا لەگiنiڭ ۇلعايتىلۋىن قامتاماسىز ەتۋدە جاتىر» دەپ كەلتىردى. بۇل مىندەت تەمىر جولدىڭ شىعىس قازاقستانداعى بولىگىن قايتا جاساۋدى تالاپ ەتتى.

«وسكەمەن-شار» تەمىر جولىنىڭ سالىنۋى بارلىق وسكەمەندىكتەر تاراپىنان قولاۋ تاپپادى. ويتكەنى تەمىر جولدىڭ جاڭا جەلىسى تەز ۇلعايىپ كەلە جاتقان جمك اۋدانىن كەسىپ وتەتىن بولدى. دەگەنمەن، قالالىقتاردىڭ كۇدىگىنە قاراماستان 2005 جىلى قۇرىلىستى باستاۋ جونىندەگى شەشىم شىقتى.

بۇل قۇرىلىس قازاقستاننىڭ جاڭا تاريحىنداعى العاشقى مەملەكەتتىك-جەكەمەنشىك سەرىكتەستىك جوباسى بولدى. «دوسجان تەمىرجولى» كونسەسسيونەرى اتالمىش قۇرىلىسقا ءارتۇرلى كوزدەردەن ينۆەستيسيا تارتتى. كونسەسسيالىق كەلىسىم مەرزىمى 2009 جىلدان، ياعني «وسكەمەن-شار» تەمىرجول جەلىسى قولدانىسقا بەرىلگەننەن باستاپ، 2028 جىلعا دەيىنگى ارالىقتى قامتيدى. بۇدان كەيىن تەمىرجول تولىقتاي مەملەكەت مەنشىگىنە وتەدى.

شىعىسقازاقستاندىق مەملەكەتتىك-جەكەمەنشىك ارىپتەستىك تاجىريبەسى 2006 جىلعى 7 شىلدەدە پرەزيدەنتتىڭ قولىمەن بەكىتىلگەن جاڭا كونسەسسيالار تۋرالى زاڭىنىڭ نەگىزىنە اينالدى.

قالا تىرشىلىگىنە تيتىمدەي عانا كەرى اسەر ەتكەن جاڭا جول الماتىعا دەيىنگى جولدى قوماقتى تۇردە قىسقارتتى. 149،6 شاقىرىمدىق جولدىڭ اشىلۋى جاڭا ستانسيالاردىڭ پايدا بولىپ، جاڭا جۇمىس ورىندارىنىڭ اشىلۋىنا جانە قىزمەت كورسەتۋشى جۇمىسشىلارعا جاڭا باسپانالار سالۋعا سەپ بولدى. شىعىس ءوڭىرى بۇل جوبادان تەك تابىسقا كەنەلدى.

يرينا پلوتنيكوۆا