قازاقستان – بولاشاققا باعىت العان مەملەكەت. پرەزيدەنتتىڭ ەل الدىنا قويعان ءور ماقساتى جاستاردىڭ ساپالى ءبىلىم الۋىنا دەگەن تالاپتى كۇشەيتتى. ويتكەنى، جاستار – كەلە جاتقان اۋقىمدى وزگەرىستەردىڭ نەگىزگى ستراتەگيالىق رەسۋرسى. بۇدان اتالمىش رەسۋرستى تاربيەلەپ شىعاراتىن ادامدارعا دەگەن نازار ەرەكشە، — دەپ جازادى Qamshy.kz اقپارات اگەنتتىگى.

2007 جىلى پرەزيدەنت نۇرسۇلتان نازاربايەۆ قازاقستاننىڭ مۇعالىمدەرىمەن جانە دارىندى وقۋشىلارىمەن كەزدەستى. بۇل كەزدەسۋگە ءار وڭىردەن 40 ءمۇعالىم قاتىستى. شقو-دان وسكەمەن قالاسىنداعى №10 مەكتەپ-گيمنازياسىنىڭ نەمىس ءتىلى ءمۇعالىمى روزا جاقۇپوۆا، وبلىستىق فيزيكا-ماتەماتيكالىق ليسەيدىڭ ماتەماتيكا ءپانىنىڭ ءمۇعالىمى اندرەي ۆەرەنسوۆ، «ارينا» باستاۋىش گيمنازياسىنىڭ ديرەكتورى ليۋدميلا ميللەر قاتىستى. بۇل ادامدار ءوز ىستەرى ارقىلى پرەزيدەنتپەن كەزدەسۋگە قۇقىق العان ازاماتتار.

روزا بابىكەن قىزىنىڭ قولىنان شىققان بارلىق تۇلەكتەر نەمىس تىلىندە ەركىن سويلەپ، نەمىس ءتىلدى ەلدەردەگى كەز كەلگەن جوعارعى وقۋ ورنىنا ەمتيحانسىز تۇسۋگە مۇمكىندىك الدى. ويتكەنى ولار گفر جەرى مادەنيەت مينيسترلىگى كونفەرەنسياسىنىڭ ءىى دارەجەلى تىلدىك ديپلومىنا ەمتيحان تاپسىرىپ قويعان. روزا جاقۇپوۆانىڭ 27 وقۋشىسى رەسپۋبليكالىق وليمپيادالاردىڭ جۇلدەگەرلەرى اتاندى. بوزا بابىكەن قىزى – ق ر ءبىلىم سالاسىنىڭ قۇرمەتتى جۇمىسشىسى، «وليمپ بيىگىنە باستاۋشى» قۇرمەت بەلگىسىمەن ماراپاتتالعان.

اندرەي ۆەرەنسوۆتىڭ وقۋشىلارى ءارتۇرلى دەڭگەيدەگى وليمپيادالاردىڭ جۇلدەگەرلەرى. ال اندرەي يۋريەۆيچتىڭ ءوزى بىرنەشە رەت كاسىبي كونكۋرستاردىڭ جۇلدەگەرى اتانعان.

ليۋدميلا ميللەر «ارينا» باستاۋىش گيمنازياسىن قۇرىپ، باسقارىپ كەلەدى.

پرەزيدەنت كەزدەسۋ بارىسىندا ۇستازدارعا بولاشاقتى قالاي كورەتىنىن ايتىپ، قازاقستاننىڭ بولاشاعى ءۇشىن اتقارىپ جاتقان جۇمىستارى ءۇشىن العىس ءبىلدىردى.

يرينا پلوتنيكوۆا