بۇگىندە جاڭا ۇرپاق قانا ەمەس، ورتاڭعى ۇرپاق تا مەملەكەتىمىزدىڭ ساياساتىنا ساي ءۇشتۇعىرلى ءتىل ساياساتىن قولداپ، اعىلشىن تىلىندە سويلەۋ عانا ەمەس، جاراتىلىستانۋ پاندەرىن مەكتەپتە، جوعارعى وقۋ ورىندارىندا باسقا تىلدە جۇرگىزۋگە ات سالىسۋدا. سول سەبەپتى ءبىلىم جانە عىلىم مينيسترلىگى مەكتەپ، ۋنيۆەرسيتەت مۇعالىمدەرى مەن وقىتۋشىلارىن 2016 جىلدان بەرى اعىلشىن ءتىلىن يگەرۋگە دايىنداۋدا. وسى كۇنى ەلىمىزدىڭ تۇكپىر-تۇكپىرىنەن مۇعالىمدەر كەلىپ، ءوز بىلىمدەرىن كوتەرۋگە جان-جاقتى شەت تىلىندە ءبىلىم الۋعا كەلىپ-كەتۋدە.
باسقا ءتىلدى بىلسەڭىز، باسقا ءىلىم ءوز ەسىگىن سىزگە ايقارا اشاتىنى بارىمىزگە ءمالىم. بىزگە دە ءدال وسىنداي ءبىر مۇمكىندىكتى حالىقارالىق جوبا ەراسمۋسپليۋس باعدارلاماسى اياسىندا بەرىپ وتىر. ءال-فارابي اتىنداعى قازاق ۇلتتىق ۋنيۆەرسيتەتىنىڭ بەلدى ماماندارى فيلولوگيا جانە الەم تىلدەرى فاكۋلتەتىنىڭ شەتەل فيلولوگياسى جانە اۋدارما ءىسى كافەدراسىنىڭ مەڭگەرۋشىسى د.ا. قاراعويشييەۆا مەن تاريح فاكۋلتەتىنىڭ الەم تاريحى، تاريحناما جانە دەرەكتانۋ كافەدراسىنىڭ مەڭگەرۋشىسى گ.س. سۋلتانگالييەۆا 2017 جىلدىڭ قازان ايىنىڭ 8-نەن 19-نا دەيىن يرلانديانىڭ ليمەريك قالاسىندا «ۇزدىكسىز ءبىلىم الۋ مەن ۇنەمدەۋگە ارنالعان ترانسرەگيونالدى اقپاراتتى ساۋاتتىلىق («Developing Trans-regional information literacy for lifelong learning and knowledge economy»)» اتتى ەرازمۋس+ باعدارلاماسى بويىنشا حالىقارالىق جوبامەن جۇمىس سەمينارىنا قاتىسىپ، اعىلشىن تىلدەرىن تەرەڭدەي تاجىريبەدەن وتكىزدى. اتالمىش سەمينار شەتەل تىلدەرىنىڭ ماماندارىنا تەك قانا تىلدىك قانا ەمەس، مادەني، تاريحي تاجىريبە جيناۋعا مۇمكىندىك بەردى.
ليمەريك قالاسى بۇل يرلانديانىڭ ەكىنشى كونە، ورتالىق باتىسىندا ورنالاسقان، حالقى جاعىنان ءۇشىنشى ورىن الاتىن مادەني قالا. ليمەريك قالاسىن شانون اتتى وزەن قاق ورتاسىنان ءبولىپ جاتىر. ليمەريك قالاسى تاريحتان كونە شىركەۋ، پاتشا سارايىمەن تانىمال ەكەن: كورول دجون سارايى؛ ماريا كاتەدرالى. بۇل قالانىڭ قولونەرى دە ايتارلىقتاي دامىعان، ماسەلەن تازا تابيعي جۇننەن جاسالعان ءار ءتۇرلى ءتۇستى كەۋدەشەلەر كوز جاۋىن الادى. زاماناۋي ونەردەن كوشەلەرى ءار ءتۇرلى تاقىرىپتارعا ارنالعان كوشە سۋرەتتەرىن كورۋگە بولادى. حالىقتىڭ وزىنە كەلەر بولساق، كوشەدە كەزدەسكەن ادام كومەكتەسۋگە دايىن، جايدارلى ەكەن. زاماناۋي ستيلمەن كيىنگەن جاستارى قالانىڭ ومىرىنە بەيىمدەلگەن جاستارىن كورەسىز.
يرلانديانىڭ ءوزى اتلانت مۇحيتىنا قورشالعان تۇبەك بولعاندىقتان، ساياحاتشىلاردى ءوزىنىڭ تابيعاتىمەن تاڭ قالدىرادى ەكەن، ماسەلەن يرلانديانىڭ باتىسىندا ورنالاسقان مويەر جارتاستارى. جان جاعىڭىز قورشاعان سۋ، سۋىق جەل، بيىك جارتاستار بىرنەشە جىلدا بولعان تاريحي جەرگە قايتادان الىپ كەلگەندەي ءبىر سەزىم سىيلايدى. تابيعاتى بارلىق دەنەڭىزگە دارىپ، ءسىزدى اۋرۋلارىڭىزدان ەمدەپ الاتىنداي اسەر قالدىرادى ەكەن.
مىنە، وسى دا باسقا ءتىلدى ءبىلۋدىڭ بىردەن ءبىر ادامعا بەرەتىن مۇمكىندىگى دەپ ويلايمىن. نەعۇرلىم كوبىرەك ءتىل بىلسەڭىز، سوعۇرلىم كوبىرەك ەلدى ارالاۋعا، تانىسۋعا مۇمكىندىك بەرەدى. ءبىزدىڭ بولاشاق ۇرپاعىمىز تىلدەردى مەڭگەرۋگە وتە يكەمدى، سوندىقتان ورتاڭعى بۋىن وسىنداي كەلەشەككە جول بەرىپ، بولاشاعىمىز ءبىزدىڭ ساۋاتتى، ومىرگە يكەمدى ۇرپاقتارىمىزدىڭ قولىندا ەكەنىنە سەنەمىز. ءبىراق، ارينە باسقا تىلدەر ءبىزدىڭ ءوز انا ءتىلىمىزدى قاراڭعىلاپ قالماۋى ءتيىس، ءارقاشاندا ءبىز ۇرپاعىمىزعا ءوز ءتىلىمىزدى دامىتۋعا ناسيحاتتاۋىمىز كەرەك. ءتىل ۇيرەنۋ بارىسىندا دا، سول ەلدىڭ تەك قانا جاقسى قاسيەتتەرىن سىنىرۋگە تىرىسۋ كەرەك دەپ تۇسىنەمىن.
شەتەل فيلولوگياسى جانە اۋدارما ءىسى كافەدراسىنىڭ مەڭگەرۋشىسى، PhD د.ا. قاراعويشييەۆا جانە تاريح فاكۋلتەتىنىڭ الەم تاريحى، تاريحناما جانە دەرەكتانۋ كافەدراسىنىڭ مەڭگەرۋشىسى، د.ف.ن.، پروف. گ.س. سۋلتانگالييەۆا
