بالي ارالدارىنداعى اگۋنگ جانارتاۋىنا جاقىن جەردە تۇراتىن تۇرعىندار ءماجبۇرلى تۇردە ەۆاكۋاسيالانۋى مۇمكىن. سەبەبى ولاردىڭ كوپشىلىگى ءوز ۇيلەرىن تاستاپ ۇلگەرمەگەن. ون مىڭداعان ادامدار جانارتاۋ اتقىلانۋى تۋرالى ەسكەرتپەلەرگە قاراماستان ءالى دە ءقاۋىپتى ايماقتان كەتپەي وتىر. بۇل تۋرالى BBC حابارلايدى.

جەرگىلىكتى تۇرعىندار اتالعان ايماقتا اسا قورقىنىشتى ءقاۋىپ جوق دەپ ەسەپتەسە، ەندى بىرەۋلەر مال-جايلارىن تاستاپ كەتە الماي وتىر.

ارال اۋەجايى جابىلىپ قالعان. سونىڭ سالدارىنان مىڭداعان تۋريستەر تانىمال ارالدان كەتە الماي وتىر. اگۋنگ جانارتاۋىنان 3400 بيىكتىككە دەيىن كۇل كوتەرىلىپ، وت جالىنى شىعىپ جاتىر.

ستيحيالىق اپاتتار ماسەلەسىمەن اينالىساتىن ۇلتتىق باسقارما جانارتاۋدىڭ اتقىلاۋى  ءسوزسىز ورىن الادى دەگەن مالىمدەمە جاسادى.

جانارتاۋدىڭ بەتىندە بالقىعان سۇيىق لاۆا كورىنىپ تۇر دەيدى عالىمدار. الايدا، ونىڭ ناقتى قاي ۋاقىتتا اتقىلاۋى مۇمكىن ەكەنى بەلگىسىز.