الماتىدا جوعارى سپورت شەبەرلىگى مەكتەبىنىڭ ۇجىمىمەن كەزدەسۋ ءوتىپ، وندا ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ ورىندالۋ بارىسى جانە «بولاشاققا باعدار: رۋحاني جاڭعىرۋ» ماقالاسىنداعى نەگىزگى باعىتتار تالقىلاندى، دەپ جازادى Qamshy.kz اقپارات اگەنتتىگى.

ءىس-شاراعا اقپاراتتىق-ناسيحاتتاۋ توبىنىڭ مۇشەلەرى، پروفەسسورلىق -وقىتۋشىلار قۇرامى مەن ستۋدەنتتەر، پارتيا فيليالىنىڭ قىزمەتكەرلەرى جانە باستاۋىش پارتيا ۇيىمدارى، ساراپشىلار مەن ۇەۇ وكىلدەرى قاتىستى.

جيىندى جوعارى سپورت شەبەرلىگى مەكتەبىنىڭ ديرەكتورى نۇربول سىدىقوۆ اشىپ، جينالعاندار الدىندا ءسوز سويلەدى.

سپورت مەكتەبىنىڭ باسشىسىنىڭ ايتۋىنشا ءبىزدىڭ نەگىزگى الەۋمەتتىك-ەكونوميكالىق كورسەتكىشتەرىمىز ەلىمىزدىڭ تۇراقتى قارقىنمەن دامىپ كەلە جاتقانى. ول سونداي-اق، ءاربىر ازاماتقا قاتىستى جولداۋدا قويىلعان مىندەتتەر تۋرالى ايتىپ ءوتتى.

«مەملەكەت باسشىسى حالىقتىڭ دەنساۋلىعىن ساقتاۋ، حالىقتى سپورتپەن اينالىسۋعا شاقىرۋ جانە سالاۋاتتى ءومىر سالتىن ناسيحاتتاۋدىڭ ماڭىزدىلىعىەرەكشە كوڭىل ءبولىپ كەلەدى. ءبىزدىڭ ازاماتتارىمىزدى بەلسەندى، سالاۋاتتى ءومىر سالتىنا جاس كەزىنەن ۇيرەتۋ قاجەت. بۇل جاعدايدا سپورتتىق مەكتەپتەردە ۇلكەن ءرول اتقارۋى كەرەك»، — دەدى نۇربول سىدىقوۆ.

ءوز كەزەگىندە بوستاندىق اۋدانى فيليالى ءتوراعاسىنىڭ ءبىرىنشى ورىنباسارى بايمۇرات جامبىلوۆ قالادا دەنە شىنىقتىرۋ مەن سپورتتى دامىتۋ ءۇشىن بارلىق جاعداي جاسالىپ جاتقانىن اتاپ ءوتتى. ءار اۋلادا زاماناۋي سپورتتىق الاڭدار جانە قالادا ۇلكەن سپورتتىق نىساندار سالىندى دەدى.

-مەملەكەت باسشىسىنىڭجولداۋى-بۇل نەگىزگى باعىتتاۋشى قۇجات بولىپ تابىلادى. العا قويعان ماقساتتاردى تابىستى جۇزەگە اسىرۋ بارلىق پارتيا مۇشەلەرىنىڭ بىرلەسە اتقارعان جۇمىسىنا بايلانىستى، — دەپ جالعاستىردى ول.

ءوز ءسوزىن قورىتىندىلاي كەلە، بايمۇرات جامبىلوۆ جوعارى سپورت مەكتەبىنىڭ وقۋشىلارىنا الەمدىك سپورت ارەناسىندا جەڭىستەر مەن تابىستارعا جەتۋىن تىلەدى.

ايتا كەتەر بولساق، ەلباسى نۇرسۇلتان نازاربايەۆ ءوزىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بىلاي دەپ اتاپ وتكەن بولاتىن: «قازاقستان 2050 جىلعا قاراي الەمدەگى ەڭ الدىڭعى قاتارلى 30 مەملەكەتتىڭ قاتارىنا قوسىلۋعا ءتيىس. ءبىز وسى ماقساتقا قاراي تاباندىلىقپەن ىلگەرىلەي بەرەمىز.

جاھاندىق باسەكەلەستىكتىڭ ءوسۋى جانە الەمدەگى تۇراقسىزدىق جاعدايىندا، 2012 جىلى حالقىما ۇسىنعان «قازاقستان-2050» ستراتەگياسىنىڭ وزەكتىلىگى ارتا تۇسەدى. ءبىز قيىندىقتاردى ۋاقتىلى بولجاي الدىق.

«نۇرلى جول» ەكونوميكالىق ساياساتىنىڭ جانە «100 ناقتى قادام» ۇلت جوسپارىنىڭ ناتيجەسىندە وسىناۋ قيىن، جاھاندىق ترانسفورماسيانىڭ العاشقى كەزەڭىنەن لايىقتى ءوتىپ كەلەمىز. تەك 2014-2016 جىلدار ارالىعىندا ءبىز ەكونوميكانى قولداۋعا قوسىمشا 1،7 تريلليون تەڭگە جۇمسادىق. مۇنىڭ بارلىعى ەكونوميكالىق ءوسىمدى جانە بيزنەستى قولداۋعا، 200 مىڭنان استام جاڭا جۇمىس ورىندارىن اشۋعا مۇمكىندىك بەردى.

ناتيجەسىندە، 2016 جىلى ءبىز ىشكى جالپى ءونىمنىڭ 1% ءوسىمىن قامتاماسىز ەتتىك. بۇل قازىرگى كۇردەلى جاعدايدا ايتارلىقتاي ماڭىزدى.

الەم قارقىندى تۇردە وزگەرىپ كەلەدى.

بۇل – جاڭا جاھاندىق بولمىس، ونى ءبىز قابىلداۋعا ءتيىسپىز»