2017 جىلعى 9 قاراشادا قورعانىس مينيسترلىگىنىڭ ۇلتتىق اسكەري-پاتريوتتىق ورتالىعىندا قازاقستان رەسپۋبليكاسى قورعانىس مينيسترلىگىنىڭ باستاماسىمەن وتكىزىلگەن «اسكەر-مەديا-2017» تۇڭعىش رەسپۋبليكالىق باسپا ءسوز فەستيۆالى بايقاۋىنىڭ قورىتىندىسى شىعارىلىپ، ماراپاتتاۋ ءراسىمى ءوتتى، دەپ جازادى Qamshy.kz اقپارات اگەنتتىگى.

ماراپاتتاۋ ءراسىمى ق ر قورعانىس مينيسترلىگى باسشىلىعىنىڭ، ورتالىق تەلەارنالاردىڭ، مەرزىمدى باسىلىمداردىڭ باس ديرەكتورلارى مەن باس رەداكتورلارىنىڭ، جەتەكشى جۋرناليستەر مەن تانىمال بلوگەرلەردىڭ، سپورتشىلار مەن قوعام قايراتكەرلەرىنىڭ قاتىسۋىمەن ءوتتى.

«اسكەر-مەديا-2017» رەسپۋبليكالىق باسپا ءسوز فەستيۆالىنىڭ قورىتىندىسى بويىنشا مىناداي اتالىمدار بويىنشا ۇزدىك ب ا ق وكىلدەرى تاڭدالىپ الىندى. اتاپ ايتقاندا، «ۇزدىك تەليەۆيزيالىق باعدارلاما»، «ۇزدىك راديوباعدارلاما»، «باسپا ءسوز باق-تاعى ۇزدىك ماتەريال»، «اقپاراتتىق اگەنتتىكتەگى ۇزدىك جۇمىس»، «ۇزدىك فوتوجۇمىس»، «الەۋمەتتىك جەلىلەر مەن بلوگ-تۇعىرنامالارداعى ۇزدىك جۇمىس»، «ۇزدىك اسكەري شولۋشى»، «ۇزدىك جاس جۋرناليست»، «ۇزدىك وڭىرلىك ب ا ق».

بايقاۋعا قازاقستاننىڭ تۇكپىر-تۇكپىرىنەن اسكەري جانە اسكەري-پاتريوتتىق تاقىرىپتا جۋرناليستەردىڭ 300-گە جۋىق جۇمىسى ۇسىنىلدى. شەشۋشى كەزەڭگە 50-گە تارتا قاتىسۋشى شىقتى، ولاردىڭ جاريالانىمدارى مەن رەپورتاجدارى جوعارى كاسىبي دەڭگەي، تاقىرىپتىڭ وزەكتىلىگى جانە مازمۇنداۋ مانەرىمەن ەرەكشەلەندى.

«ۇزدىك تەليەۆيزيالىق باعدارلاما» نوميناسياسىندا «اتىراۋ» تەلەارناسىنىڭ جۇرگىزۋشى رەداكتورى ايناگۇل قالبايەۆ جەڭىمپاز اتاندى.

ءادىلقازىلار القاسىنىڭ پىكىرىنشە «قازاق راديوسىنىڭ» ءتىلشىسى ءمادينا يشانوۆانى ۇزدىك راديوباعدارلاما يەگەرى دەپ تانىدى.

«باسپا ءسوز باق-تاعى ۇزدىك ماتەريال» نوميناسياسىندا شىعىس قازاقستان وبلىسىنداعى «ەگەمەن قازاقستان» گازەتىنىڭ جەكە مەنشىك ءتىلشىسى ازامات قاسىم جۇلدەگەر اتاندى.

«اقپاراتتىق اگەنتتىكتەگى ۇزدىك جۇمىس» نوميناسياسىندا «ينفورمبيۋرو.كز» مۋلتيمەديالىق اقپاراتتىق-ساراپتامالىق پورتالىنىڭ ءتىلشىسى گريگوريي بەدەنكونىڭ جۇمىسىن ۇزدىك دەپ تاپتى.

«كازاحستانسكايا پراۆدا» گازەتىنىڭ ءفوتوتىلشىسى يۋريي بەككەر «ۇزدىك فوتوجۇمىس» اتالىمىندا ۇزدىك دەپ تانىلدى.

«الەۋمەتتىك جەلىلەر مەن بلوگ-تۇعىرنامالارداعى ۇزدىك جۇمىس» نوميناسياسىندا تانىمال بلوگەر الەكساندر ميروگلوۆتىڭ جۇمىسى لايىقتى تۇردە باعالاندى.

«كاراۆان» گازەتىنىڭ شولۋشىسى ۆلاديمير سيەۆەرنىي ۇزدىك اسكەري شولۋشى اتاندى.

شىعىس قازاقستان وبلىسى ءۇرجار اۋدانى قارابۇلاق ورتا مەكتەبىنىڭ 11-سىنىپ وقۋشىسى رىسگۇل داۋتانوۆا «ۇزدىك جاس جۋرناليست» نوميناسياسىندا جەڭىمپاز اتاندى.

«وڭىرلىك باق-تاعى ۇزدىك ماتەريال» اتالىمىندا «اتىراۋ» تەلەارناسىنىڭ جۇرگىزۋشى رەداكتورى نۇرگۇل رامازانوۆا جۇلدەگەر اتاعىن يەمدەندى.

«اسكەر-مەديا-2017» تۇڭعىش رەسپۋبليكالىق بايقاۋى اعىمداعى جىلعى شىلدە ايىندا باستاۋ العانىن ايتا كەتكەن ءجون. فەستيۆالدىڭ نەگىزگى ماقساتى قارۋلى كۇشتەردىڭ اشىقتىلىعى مەن قولجەتىمدىلىگىن ارتتىرۋ، قك قىزمەتىن ب ا ق ارقىلى بىلىكتى ءارى دايەكتى تۇردە جاريالاۋ، پوزيتيۆتىك قوعامدىق پىكىر قالىپتاسىرۋ، اسكەري قىزمەتتىڭ بەدەلىن ارتتىرۋ جانە ناسيحاتتاۋ، بىرلەسكەن مەديا-جوبالاردى جۇزەگە اسىرۋ بولىپ تابىلادى.