اقش سولتۇستىك كورەيانىڭ زىمىران ۇشىرعانىنا بايلانىستى كحدر-عا دەگەن قادامىن وزگەرتپەيدى. بۇل تۋرالى امەريكا پرەزيدەنتى دونالد ترامپ حابارلادى، دەپ جازادى Qamshy.kz اقپارات اگەنتتىگى.

«بۇل جاعدايدى قالپىنا كەلتىرۋ ءبىزدىڭ قولىمىزدان كەلەتىن ءىس»، - دەدى ترامپ ءوز سوزىندە.

ترامپتىڭ ايتۋىنشا، ۆاشينگتون كحدر-دىڭ زىمىران ۇشىرۋ ماسەلەسىنە بايىپپەن قارايدى.

اقش باسشىسى بۇل تۋراسىندا جاپونيا پرەمەر-مينيسترى سيندزو ابەمەن اقىلداستى. ابە مەن ترامپ سولتۇستىك كورەيا تاراپىنان ءتونىپ تۇرعان قاتەرمەن بىرگە كۇرەسۋگە شەشىم قابىلدادى. توكيو مەن ۆاشينگتون كحدر-دىڭ «ارانداتۋشىلىق ارەكەتى» ونىڭ حالىقارالىق قوعامداستىقتان ودان ءارى الىستاۋىنا سەپتىگىن تيگىزىپ وتىرعانىن ايتادى.

سونداي-اق، اقش پرەزيدەنتى سولتۇستىك كورەيانىڭ زىمىران ۇشىرۋىن وڭتۇستىك كورەيا باسشىسى مۋن چجە ينمەن دە تالقىلادى. اق ءۇيدىڭ حابارلاۋىنشا، مەملەكەت باسشىلارى كحدر-دىڭ اتالمىش ارەكەتىن قاتاڭ سىناعان.

سولتۇستىك كورەيانىڭ كونتينەنتارالىق بالليستيكالىق زىمىرانىن ۇشىرۋىنا بايلانىستى بۇۇ قاۋىپسىزدىك كەڭەسىنىڭ توتەنشە كەزدەسۋى وتەدى.