قويىلاتىن تالابى مەن تالعامى جوعارى اسكەري مامان بولۋ – ءاربىر مەكتەپ ءبىتىرۋشى ەر - ازاماتتىڭ ارمانى. دەگەنمەن دە، بولاشاق اسكەري - وقۋ ورىندارىنا كەز-كەلگەن تۇلەك جولداما الا المايدى. الدىمەن، بولاشاق كۋرسانتتاردىڭ بويىنان جىگەرلىكپەن جاۋاپكەرشىلىكتى، قىراعىلىقپەن ساۋاتتىلىقتى، دەنساۋلىعىنىڭ جارامدىلىعى باستى مىندەت سانالاتىنى ءسوزسىز.

بۇگىنگى تاڭدا ەلىمىزدىڭ قورعانىسىن قامتاماسىز ەتەتىن بولاشاق وفيسەرلەرمەن سەرجانتتاردى دايارلايتىن اسكەري - وقۋ ورىنداردىڭ احۋالى جىلدان-جىلعا جاعىمدى جاڭالىقتارمەن تولىعۋدا.

اسكەري وقۋ - ورىندار تۋرالى ايتار بولساق، رەسپۋبليكا اۋماعىنداعى استانا، الماتى، قاراعاندى، شىمكەنت قالالارىندا «جاس ۇلان» رەسپۋبليكالىق مەكتەبى، الماتى قالاسىندا قۇرلىق اسكەرلەرى اسكەري ينستيتۋتى مەن راديوەلەكترونيكا جانە بايلانىس اسكەري- ينجەنەرلىك ينستيتۋتى، اقتوبە قالاسىندا ەكى مارتە كەڭەس وداعىنىڭ باتىرى ت.ج.بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى، ششۋچەنسك قالاسىندا ش.ءۋاليحانوۆ اتىنداعى قازاقستان رەسپۋبليكاسى قورعانىس مينيستىرلىگىنىڭ كادەت كورپۋسى، تالدىقورعان قالاسىندا «ارىستان» مامانداندىرىلعان اسكەري ليسەيى بار. سونىمەن قاتار، 17-21 جاس ارالىعىنداعى ازامات وسى اتى اتالعان اسكەري وقۋ - ورىندارىنىڭ قويىلعان مىندەتتەرىنە ساي كەلسە، تەگىن ءبىلىم الۋعا قۇقىعىنا يە بولادى.

«ۇيرەنگىم كەلەدى-ۇيرەنە الامىن - ۇيرەنۋ كەرەك» − دەگەن ءسوزدى الدىنا ماقسات ەتە بىلگەن قازالى اۋدانى ايتەكە بي كەنتى №266 مەكتەپ-ليسەيىنىڭ جاس تۇلەگى ابزال زۇلحارناي قازىرگى تاڭدا الماتى قالاسىنداعى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ 1-كۋرس كۋرسانتى.

«ابزال باۋىرجان ۇلى: داڭقتى قولباسشى، ب.مومىش ۇلى "جۇرتىم دەپ - جۇمىلىپ، ەلىم دەپ - ەزىلىپ قىزمەت ەت!"، - دەگەن ناقىل ءسوزىن جازىپ قالدىرعان بولاتىن. قاھارمان باتىردىڭ ورنەكتەلگەن سوزىنە سايكەس، وتانعا جان-تانىمەن قىزمەت ەتە بىلگەن تۋعان جەرىم قازالى اۋدانىنىڭ تۋماسى اۋعان سوعىسىنىڭ ارداگەرى گەنەرال-مايور ءا. ەرنيازوۆ جانە اۋدانىما كورشىلەس ورنالاسقان ارال قالاسى سەكسەۋىل كەنتىندە دۇنيەگە كەلەگەن گەنەرال-مايور م.تالاسوۆ سەكىلدى بولاشاقتا «گەنەرال» بولعىم كەلەدى.

- ارينە، گەنەرال شەنىنىڭ جۇگى اۋىر. ول ءۇشىن ءار مينۋتىڭدى ءتيىمدى جانە رۋحاني دۇنيەگە جۇمساي ءبىلۋىڭ قاجەت، - دەدى ول.

جاس تۇلەك ارمانىن ماقساتقا اينالدىرۋعا سەپتىگىن تيگىزگەن سىنىپ جەتەكشىسى ج. اقبايەۆاعا جانە باستاپقى اسكەري دايىندىق ءپانىنىڭ ءمۇعالىمى ە. بەردالييەۆكە العىسى شەكسىز. زۇلحارناي ابزالعا اسكەري وقۋ-ورىندى جوعارعى دارەجەدە ءبىتىرىپ، كەلەشەكتە سىر ەلىنەن شىققان گەنەرال بولسىن، − دەگەن يگى نيەتىمىزدى بىلدىرەمىز.

 

قىزىلوردا وبلىسى قورعانىس ىستەرى جونىندەگى دەپارتامەنتى باسپا ءسوز قىزمەتىنىڭ باستىعى.