بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا پالاتا «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسى كودەكس جانە وعان ىلەسپە زاڭ جوبالارىن ەكىنشى وقىلىمدا ماقۇلدادى، -دەپ جازادى Qamshy.kz اقپارات اگەنتتىگى.

وسىعان وراي، ءوز پىكىرىن ورتاعا سالعان ءماجىلىس ءتوراعاسى:

-بۇل كودەكستىڭ ەڭ نەگىزگى ەرەكشەلىگى – ول وسى جەر قويناۋى سالاسىنداعى بارلىق سۇراقتار ءبىر قۇجاتتىڭ ىشىندە جيناقتالعان. سونىڭ ناتيجەسىندە، جەر قويناۋىن پايدالانۋشىلار ءۇشىن دە، ينۆەستورلار ءۇشىن دە ءتيىمدى جاعداي جاسالاتىن بولادى،-دەدى.

ايتا كەتەتىن بولساق، كودەكس جوباسى جەر قويناۋىن پايدالانۋ سالاسىن رەتتەۋدىڭ جاڭا ءتاسىلىن كوزدەيدى. وندا جەر پايدالانۋ قۇقىعىن «ءبىرىنشى كەلدىڭ – ءبىرىنشى الدىڭ» قاعيداتى بويىنشا بەرۋدىڭ اۆستراليالىق مودەلىن ەنگىزۋ، پايدالى قازبالار قورلارىن ەسەپتەۋدىڭ حالىقارالىق جۇيەسىنە كوشۋ، گەولوگيالىق اقپاراتتىڭ قولجەتىمدىلىگىن قامتاماسىز ەتۋ، جەر قويناۋىنىڭ مەملەكەتتىك قورىن باسقارۋ باعدارلاماسىن ازىرلەۋ، ۋراندى، كومىر قاباتتارىنىڭ مەتانىن يگەرۋدى رەتتەۋ، پايدالى قازبالاردى ستاراتەلدىك ءوندىرۋدى ەنگىزۋ سياقتى جاڭالىقتار قامتىلعان.