قازاقستان رەسپۋبليكاسى پرەزيدەنتىنىڭ «التىن ساپا» سىيلىعىنا شقو كۋرچاتوۆ مونوقالاسىنان ۇمىتكەر بولىپ وتىرعان «سوۆا» ءجشس-ى 1998 جىلى قۇرىلعان. باستاپقىدا ۇجىم «قازاقتەلەكوم» اق قۇرىلىمىنان قىسقارىپ قالعان مامانداردان قۇرىلعان. جاڭادان قۇرىلعان كاسىپورىن ولاردى قيىن كەزەڭدە جۇمىسپەن قامتىپ، تۇرعىندارعا كوپبەيىندى ەمەس جانە شىعىنا كوپ بولسا دا راديوحابار، 4 حابار تاراتۋ ارناسىنا ەسكىرگەن ۇقسامالى جابدىقتى كابەلدى تەليەۆيدەنيە سياقتى قىزمەت تۇرلەرىن كورسەتتى.
شقو كاسىپكەرلەر پالاتاسىنداعى ۇيىم تۋرالى ءوندىرىستى ۇيىمداستىرۋداعى يكەمدى تاريفتىك ساياسات، نارىقتا سۇرانىسقا يە جاڭا قىزمەت تۇرلەرىن دامىتۋ سياقتى جاڭا ءتاسىل قولدانۋ ارقىلى «سوۆا» جشس-گە شىعىنسىز جۇمىس ىستەۋگە عانا ەمەس، سەرىكتەستىكتىڭ تەحنيكالىق تۇرعىدا قايتا جاراقتاندىرىلۋىنا، سول ارقىلى قىزمەت كورسەتۋ دەڭگەيىنىڭ ساپاسىن ارتتىرىپ، جاڭا تۇتىنۋشىلار تارتۋعا مۇمكىندىك العانىن ايتادى.
بۇدان بىلاي راديوحابار جانە كابەلدى تەلەارنا جەلىسىندەگى باعدارلامالاردى ترانسلياسيالاۋ ساپاسىنىڭ دەڭگەيى ايتارلىقتاي جوعارى جانە ۇسىنىلعان تالاپتارعا ساي بولىپ تابىلادى، سونداي-اق قىزمەت كورسەتۋ باعاسى قىمبات ەمەس بولعاندىقتان، كابەلدىك تەليەۆيدەنيەنىڭ ارنالار جيىنتىعىن ورتاشا تابىسى بار كەز كەلگەن ورتاشا ستاتيستيكالىق ادام قوسا الادى.
سونىمەن قاتار، اتالعان سىيلىققا ۇمىتكەر توپ قالا تۇرعىندارىنىڭ كۇندەلىكتى تۇرمىستارىنا قاجەتتى كومپيۋتەردە ءماتىن تەرىپ بەرۋ، كسەروكوشىرمە، لاميناتتاۋ، كەڭسە تاۋارلارىن ساتۋ، فاكسيميلدى حابارلاما جىبەرۋ جانە الۋ، كەڭسە تاۋارلارى مەن باسقا دا ىلەسپە تاۋارلاردى ساتۋ سياقتى ءبىرقاتار قىزمەت تۇرلەرىن كورسەتەدى. اتى اتالعان قىزمەت تۇرلەرىنىڭ باعاسى قىمبات ەمەس، سول سەبەپتى دە قالا تۇرعىنداردىڭ سۇرانىسىنا يە.
«سوۆا» ءجشس-ى ءوز قاراجاتى ەسەبىنەن قالادا تۇراتىن ۇوس ارداگەرلەرىن راديوحابار مەن كابەلدى تەليەۆيدەنيەمەن قامتاماسىز ەتەدى. قالالىق مادەني-سپورتتىق شارالاردىڭ وتۋىنە قارجىلاي كومەك كورسەتەدى. ءجاسوسپىرىم مەن ەرەسەكتەرگە ارنالعان «بەرەگ» دەمالىس بازاسىنا دا بۇل ۇيىم تەليەۆيزيالىق سپۋتنيكتىك انتەننا ورناتىپ بەرگەن جانە ول ۇنەمى جۇمىس جاعدايىندا بولىپ تۇرادى.
كاسىپورىن ديرەكتورى ليۋبوۆ سەمەنينانىڭ بەلسەندى ءومىر سالتىن ۇستاناتىنىن، جاڭا جوبالاردى سەنىمدى تۇردە قولعا الىپ، ونى تابىستى تۇردە ىسكە اسىراتىن ادام ەكەنىن تىلگە تيەك ەتە كەتۋ كەرەك.
