«سەماز» زاماناۋي وتاندىق اۆتوكولىك قۇراستىرۋ زاۋىتى ءجشس-ى قازاقستاندىق نارىقتا 9 جىلدان استام ۋاقىت بويى جۇمىس ىستەپ كەلەدى. زاۋىت ءوزىن جوعارى تەحنولوگيالىق، جوعارى ساپالى تەحنيكانىڭ سەنىمدى جەتكىزۋشىسى رەتىندە تانىتتى. كومپانيا اۆتوكولىكتەردى، تىركەمەلەردى جانە جارتىلاي تىركەمەلەردى جيناۋ، ساتۋ جۇمىستارىمەن اينالىسادى.

2006 جىلى سەمەي اۆتوكولىك قۇراستىرۋ زاۋىتى وڭتۇستىك كورەيالىق DAEWOO BUS كورپوراسياسىمەن بىرگە DAEWOO زاماناۋي قالالىق جانە قالا ماڭىنداعى اۆتوبۋستاردى شىعارادى. بۇل ءوندىرىس يمپورتتالاتىن ماشينالاردىڭ كورپۋستارى، شاناقتارى مەن اگرەگاتتارىن جيناقتاۋمەن عانا ەمەس، سونداي-اق دانەكەرلەۋمەن، رامالار مەن كورپۋستاردى بوياۋمەن اينالىساتىن قازاقستانداعى العاشقى تولىق سيكلدى اۆتوكولىك قۇراستىرۋ كاسىپورنى بولدى.

وزدەرىڭىز بىلەتىندەي، زاۋىتتىڭ ونىمدەرى قازاقستاندىق نارىققا عانا ەمەس، رەسەيگە دە ەكسپورتتالادى. «DAEWOO» اۆتوبۋستارى ءبىزدىڭ قىسى قاھارلى كۇرت كونتينەنتتى كليماتىمىزدا پايدالانۋعا بەيىمدەلگەن سەنىمدى، جايلى كولىك بولىپ تابىلادى.

شقو كاسىپكەرلەر پالاتاسىنىڭ باسپا ءسوز قىزمەتىنىڭ حابارلاۋىنشا، 2009 جىلى اگروونەركاسىپتىك كەشەندى دامىتۋدىڭ مەملەكەتتىك باعدارلاماسى اياسىندا «بەلارۋس» تراكتورلارىن قۇراستىرۋ جوباسى ىسكە قوسىلىپ، ءساتتى دامىپ كەلەدى. بۇگىنگى تاڭدا زاۋىت 0،2-دەن 5 تونناعا دەيىن تارتۋ كۇشى بار، كەز كەلگەن كليماتتىق جانە جۇمىس جاعدايىنا ارنالعان 10-نان استام ءتۇرلى تراكتورلار، سونداي-اق ءارتۇرلى تىركەمەلەرمەن جابدىقتالعان تراكتورلار شىعارادى. مۇنداي تراكتورلار كوشە-جول جەلىسىن كۇتىپ ۇستاۋعا، ءارتۇرلى جۇكتەردى تاسىمالداۋعا، سونىمەن قاتار ەكسكاۆاتور-تيەگىش جانە بۋلدوزەر-تيەگىش رەتىندە قولدانۋ ءۇشىن تاپتىرماس قۇرال.

قازىرگى قاتاڭ باسەكەلەستىك جاعدايدا زاۋىت الدىڭعى قاتارلى تەحنولوگيالاردى قولدانۋعا ۇلەس قوسىپ، قارقىندى دامىپ كەلەدى. كومپانيانىڭ ديناميكالىق دامۋ كورسەتكىشتەرىنىڭ ءبىرى «URAL» جانە «SHACMAN» اۋىر جۇك كولىكتەرىن قۇراستىرۋعا ارنالعان ەكى جاڭا جەلىنىڭ قۇرىلىسى بولىپ تابىلادى.

2006-2017 جىلدار ارالىعىنداعى قىسقا، ءارى قيىن ۋاقىتتا «سەماز» ءجشس-ى ۇلكەن جەتىستىكتەرگە قول جەتكىزدى. 2016 جىلى «قازاقستاننىڭ ۇزدىك تاۋارى» نوميناسياسىندا كاسىپورىن ديپلوم جانە ەسكەرتكىش مەدالمەن ماراپاتتالدى. بۇل جىلى اۆتوقۇراستىرۋ كاسىپورنى «التىن ساپا» سىيلىعىنا ۇمىتكەرلەردىڭ قاتارىندا.