قازاقستاننىڭ جەتەكشى ارحەولوگتارى شىعىس قازاقستان وبلىسىندا قازبا جۇمىستارىن بەلسەندى تۇردە جۇرگىزىپ كەلەدى. بۇگىنگى تاڭدا كاتونقاراعاي اۋدانىنداعى بەرەل قورعانىن زەرتتەۋدى تاريح عىلىمدارىنىڭ دوكتورى زەينۋللا ساماشيەۆ جالعاستىرۋدا. شىلىكتى القابىندا جۇرگىزىلىپ جاتقان قازبا جۇمىستارىنا پروفەسسور ابدەش تولەۋبايەۆ جەتەكشىلىك ەتۋىپ كەلەدى. تاريح عىلىمدارىنىڭ دوكتورى، ەلىمىزدەگى العاش شىققان قازاقستان تاريحى كىتابىنىڭ اۆتورى كارل بايپاقوۆ ۇلان اۋدانىندا ورنالاسقان ابىلايكيت بەكىنىس-موناستىرىن زەرتتەپ كەلە جاتىر. بۇل تۋرالى شىعىس قازاقستان وبلىسىنىڭ اكىمى دانيال احمەتوۆ 2017 جىلدىڭ 29-شى قاراشاسىندا استاناداعى ورتالىق كوممۋنيكاسيالار قىزمەتىندە وتكەن بريفينگ بارىسىندا مالىمدەدى.

بىلەك سىبانا تەر توككەن ارحەولوگتار وتكەن جىلى 5 500 ارتەفاكت تاپقان. 2017 جىلى جۇرگىزىلگەن قازبا جۇمىستارى تاعى دا 1500-گە جۋىق ارتەفاكتتار اكەلدى. ولاردىڭ عىلىمي جانە ءبىلىمي قۇندىلىقتارى وتە جوعارى بولىپ وتىر.

شىعىس قازاقستان وبلىسىنىڭ اكىمدىگى ارحەولوگيالىق زەرتتەۋلەردى قارجىلاندىرۋدا. ارحەولوگيا سالاسىنداعى عىلىمي زەرتتەۋلەردى دامىتۋدىڭ ءۇش جىلدىق جوسپارىنا سايكەس شقو-دا 2016 جىلدان باستاپ جىل سايىن 100 ملن. تەڭگەدەن ءبولىنىپ كەلەدى. 2018 جىلى وبلىس اكىمىنىڭ تاپسىرماسى بويىنشا بۇل ماقساتتارعا قوسىمشا 300 ملن. تەڭگە جۇمىلدىرىلماق.

قارجىلاندىرۋدىڭ ۇلعايۋى قوعامدىق سانانى جاڭعىرتۋ ءۇشىن قۇرىلعان «رۋحاني جاڭعىرۋ» باعدارلاماسىنىڭ «شىعىس قازاقستانداعى ەجەلگى قازىنالار» باعىتى بويىنشا ىسكە اسادى.

يرينا پلوتنيكوۆا