بۇگىن استانادا "100 جاڭا ەسىم" جەڭىمپازدارىمەن كەزدەسىپ جاتقان ەلباسى نۇرسۇلتان نازاربايەۆ جاس بلوگەردىڭ حاتىنا ءتانتى بولعانىن ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ.
«مەن ءبىر جاس بلوگەردىڭ حاتىن وقىدىم. ول وسى جىلدار ىشىندە مەن ءتورت نارسەنى ايتقىم كەلەدى دەگەن. ءبىرىنشىسى – تاۋەلسىزدىكتىڭ جاريالانۋى مەن شەكارانىڭ بەلگىلەنۋى. ەكىنشىسى – نارىقتىق رەفورمالار مەن جەكەشەلەندىرۋگە تەزىرەك وتكىزۋ. وسىنىڭ ارقاسىندا مىڭداعان كاسىپكەر جۇمىسىن باستادى. ۇشىنشىدەن، كوپۇلتتى قوعامدا كەلىسىم مەن تۇراقتىلىق ورنادى. تورتىنشىدەن، الەمدە قازاقستاننىڭ جاۋى جوق، بارىمەن دوسپىز. مەن جەتىستىكتەردى وننان باستاپ جيىرماعا دەيىن ايتا بەرەر ەدىم. ءبىراق جاس بلوگەردىڭ ءتورت ارتىقشىلىقتى قالاي عانا تاپ باسىپ ايتىپ بەرگەنىنە تاڭعالدىم»، — دەدى پرەزيدەنت.
ايتا كەتسەك، "قازاقستاننىڭ 100 جاڭا ەسىمى" جوباسى ەلدىڭ دامۋىنا ەلەۋلى ۇلەس قوسقان تالانتتى جانداردى تانىتۋدى ماقسات ەتەدى. قازاقستاننىڭ كەز كەلگەن ازاماتى ءوتىنىش جىبەرۋ ارقىلى ءوزىنىڭ تابىسقا جەتۋ تاريحىمەن بولىسۋگە مۇمكىندىك الدى.
