وسكەمەندە ق ر تۇڭعىش پرەزيدەنتى كۇنىنە وراي №20 تۇرعىن ءۇي اۋماعىنا ەلەكتر قۋاتى بەرىلدى دەپ حابارلايدى Qamshy.kz اقپارات اگەنتتىگى. تۇرعىندارمەن جولىققان وبلىس باسشىسى دانيال احمەتوۆ كەلەر جىلى سۋ جەلىسىن دە ىسكە قوساتىندىعىن مالىمدەدى.

          جمك اۋدانىندا ورنالاسقان №20 تۇرعىن ءۇي اۋدانىنىڭ تۇرعىندارى سۋ، ەلەكتر جەلىلەرىنىڭ جوقتىعىن ايتىپ، وسىعان دەيىن دە شاعىمدارىن جەتكىزگەن. جاڭا اۋداندا جەكە مەنشىك ۇيلەر كوپتەن سالىنعانمەن، بىرنەشە جىل بويى سۋسىز، جارىقسىز كۇن كورىپ كەلگەن. ىسكە قوسىلعان جاڭا جەلى تەك ۇيلەرگە ەلەكتر قۋاتىن تاسىمالداپ قانا قويماي، كوشەلەردى دە جارىقپەن قامتاماسىز ەتپەك.

          –   كەلەر جىلىسۋ جانە جىلۋ جۇيەسىنىڭ قۇرىلىسى قولعا الىنادى. جاڭا جولدىڭ دا قۇرىلىسىن جوسپارلاپ وتىرمىز. ءدال وسى جەردەن سامار تاسجولىنا شىعاتىن جاڭا جول سالىناتىن بولادى، – دەدى دانيال احمەتوۆ.