رەسەيدىڭ «روسسيا 24» ارناسى قازاقستان فۋتبول قۇراماسىنىڭ جاتتىقتىرۋشىسى الەكساندر بوروديۋكپەن قۇرعان سۇحباتى كەزىندە وزبەكستاندىق فۋتبولشىلاردىڭ جاتتىعۋىن كورسەتىپ جىبەردى.
بۇل تۋرالى Qamshy.kz اقپارات اگەنتتىگى Vesti.kz-كە سىلتەمە بەرىپ جازادى. فۋتبولدان قازاقستان قۇراماسىنىڭ باس باپكەرى «فۋتبول روسسيي» باعدارلاماسىندا قوناقتا بولىپ، قۇرامامىزدىڭ ماقساتتارىمەن ءبولىستى.
اڭگىمە بارىسىندا بوروديۋك ۇلتتىق قۇرامامىز الداعى ۋاقىتتا جاڭاراتىنى تۋرالى ايتتى. ءدال وسى كەزدە ەكراندا وزبەكستان قۇراماسى فۋتبولشىلارىنىڭ جاتتىعۋى كورسەتىلدى. ايتا كەتەيىك، قازان ايىنىڭ باسىندا قازاقستان قۇراماسى تاعى ءبىر كەلەڭسىز جاعدايعا تاپ بولعان.
الەم چەمپيوناتىنىڭ ىرىكتەۋ كەزەڭىندە رۋمىنياعا قارسى ويىنعا ءبىزدىڭ قۇراما «وزبەكستان» دەگەن جازۋى بار ۇشاقپەن بارعان ەدى.
