الماتىداعى نازاربايەۆ داڭعىلى ۇكىمەتتىك بولىپ سانالادى، كوشە بويىنا كولىك قوياعا تىيىم سالىنعان. سەبەبى كوممەرسيالىق جىلجىمايتىن مۇلىك يەلەرىنە ىڭعايسىزدىق تۋدىرادى. ادامدار كوبىنە تىنىش اۋدانداردى تاڭدايتىندىقتان داڭعىل بويىندا تۇرعىن ۇيلەر كوپ ەمەس. بۇل تۋرالى «قازاقستاندىق ريەلتورلاردىڭ بىرىككەن قاۋىمداستىعى» ديرەكتورلار كەڭەسىنىڭ مۇشەسى مارينا گرۋشينا مالىمدەدى، دەپ جازادى Qamshy.kz اقپارات اگەنتتىگى.

سونداي-اق، گرۋشينا نازاربايەۆ داڭعىلىندا ءۇش جاڭا تۇرعىن ءۇي كەشەنىن سالۋ جوسپاردا ەكەنىن ايتتى. تۇرعىن ءۇي كەشەنى قالانىڭ تومەنگى بولىگىندە ورنالاساتىن بولادى، ول جەردە ساۋدا ورتالىقتارى دا سالىنادى.

نازاربايەۆ داڭعىلىنىڭ ارحيتەكتۋراسى مەن جوسپارلاۋىنا قاتىستى ءبىرقاتار وزگەرىستەر قاراستىرىلعان.

«الماتىگيپروگور-1 جوبالاۋ ينستيتۋتى» ج ش س وكىلى جەلتوقساننىڭ باسىندا نازاربايەۆ داڭعىلىمەن قوسا بىرنەشە كوشەلەردى كوركەيتۋ ماقساتىندا ساتىپ الۋ بايقاۋى وتەتىنىن حابارلادى. بايقاۋ قۇجاتتاماسىندا سايكەس، مۇندا جاياۋ جۇرگىنشىلەر ايماقتارى كەڭەيتىلەدى، جاسىل جەلەكتەر وتىرعىزىلادى، عيماراتتاردىڭ ءبىرىنشى قاباتتارى رەتكە كەلتىرىلەتىن بولادى.

ەسكە سالا كەتەيىك، بۇرىنعى فۋرمانوۆ كوشەسىنە ەلباسىنىڭ ەسىمىن بەرۋ تۋرالى شەشىم الماتى ءماسليحات وتىرىسىندا قابىلداندى. قالا اكىمى باۋىرجان بايبەك كوشەنىڭ نازاربايەۆ بولىپ وزگەرۋىنە تۇرعىنداردىڭ باسىم كوپشىلىگىنىڭ ۇسىنىسى اسەر ەتكەنىن مالىمدەگەن.