شەتپە-بەينەۋ تاس جولىندا ءبىر كۇندە ەكى كولىك اپاتى ورىن الىپ، سونىڭ سالدارىنان ءتورت ادام كوز جۇمدى. بۇل تۋرالى ماڭعىستاۋ وبلىسى ءىىد باسپا ءسوز قىزمەتىنىڭ جەتەكشىسى جازيرا ءابىل حابارلادى، دەپ جازادى Qamshy.kz اقپارات اگەنتتىگى.

جول اپاتى 1 جەلتوقساندا بولعان. 8:-30-دا Toyota Camry كولىگى مەن Volvo جۇك كولىگى سوقتىعىسقان.

«جەڭىل كولىك اۆتوجولدىڭ 210-شاقىرىمىندا قارسى جولاققا شىعىپ كەتىپ، فۋراعا سوعىلعان.  Toyota Camry كولىگىنىڭ 1992 جىلى تۋعان جۇرگىزۋشىسى مەن 1951 جانە 1964 جىلعى جولاۋشىسى قازا تاپتى. جۇك كولىگىنىڭ جۇرگىزۋشىسى اجالدان امان قالدى»، - دەدى جازيرا ءابىل.

كەيىنىرەك وسى جولدا ەكىنشى جول اپاتى ورىن الدى.

«Renault كولىگىنىڭ جۇرگىزۋشىسى قارسى جولاققا شىعىپ كەتىپ، Lada Largus كولىگىنە سوعىلعان. اپاتتان Lada-نىڭ ءبىر جولاۋشىسى اجال قۇشتى. قالعاندارى امان»، - دەدى  ماڭعىستاۋ وبلىسى ءىىد باسپا ءسوز قىزمەتىنىڭ جەتەكشىسى

ق ر قك 345-بابى 4-بولىگى بويىنشا سوتقا دەيىنگى تەرگەۋ جۇرگىزىلىپ جاتىر. سوت-مەديسينالىق ساراپتاما تاعايىندالدى.