Facebook كومپانياسى 6 جاستان 12 جاسقا دەيىنگى بالالارعا ارنالعان مەسسەندجەر شىعارماقشى. بۇل تۋرالى 24.kz Associated Press-كە سىلتەمە جاساپ حابارلايدى. مەسسەندجەردى شىعارۋشىلاردىڭ ايتۋىنشا، قوسىمشانىڭ ءبىر ەرەكشەلىگى بالالاردىڭ دوستارىمەن بايلانىسى اتا-انالارىنىڭ باقىلاۋىندا بولادى. مەسسەندجەردىڭ اۋديتورياسى 13 جاسقا تولماعان بالالار بولادى.
سەبەبى اقش فەدەرالدى زاڭى بويىنشا ولارعا Facebook جەلىسىندە پاراقشا اشۋعا تىيىم سالىنعان. اگەنتتىكتىڭ مالىمەتىنشە، اتا-انالار بالالارىن باقىلاپ قانا قويماي، ولاردىڭ بىر-بىرىمەن الماسقان جازبالارىن دا كورە الادى. سونداي-اق حابارلامالاردى تەك قانا وزدەرى كوشىرە الادى.
