«ۇلتتىق اگرارلىق ءعىلىمي-بىلىم بەرۋ ورتالىعى» كەاق (ءارى قاراي – «ۇاعبو» كەاق) ديرەكتورلار كەڭەسىنىڭ شەشىمى بويىنشا «ۇاعبو» كەاق باسقارما ءتوراعاسىنىڭ م.ا. قىزمەتىنە ءدامىر التىنبەك ۇلى ەگىزبايەۆ تاعايىندالدى دەپ حابارلايدى Qamshy.kz اقپارات اگەنتتىگى.

ءدامىر ەگىزبايەۆ 1980 جىلدىڭ 29 شىلدەسىندە الماتى قالاسىندا تۋعان. سۆوبودنىي ۋنيۆەرسيتەتىنىڭ ىسكەري باسقارۋ ماگيسترى (مBA)، بريۋسسەل ق. (بەلگيا).

ەڭبەك جولىن 2004 جىلى «تەحنولوگيالار ينجينيرينگى مەن ترانسفەرتى ورتالىعى» اق مەنەدجەرىنەن باستاعان. كەيىن «ۇلتتىق يننوۆاسيالىق فوند» اق باس مەنەدجەرى، «تەحنولوگيالار ينجينيرينگى مەن ترانسفەرتى ورتالىعى» اق دەپارتامەنت ديرەكتورى، «قازاگرويننوۆاسيا» اق دەپارتامەنت ديرەكتورى، «اگروونەركاسىپتىك كەشەندەگى ەكونوميكالىق ساياساتتىڭ ساراپتامالىق ورتالىعى» ج ش س باس ديرەكتورىنىڭ ورىنباسارى قىزمەتتەرىن اتقارعان.

2009-2011 جج. – «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما ءتوراعاسى ورىنباسارى.

2011-2013 جج. – «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما ءتوراعاسى.

2013-2016 جج. ق ر بعم «تەحنولوگيالار كوممەرسياليزاسيالاۋ ورتالىعى» ج ش س باس ديرەكتورى.

2017 جىلدىڭ اقپان ايىنان باستاپ وسى ۋاقىتقا دەيىن «ۇاعبو» كەاق باسقارما ءتوراعاسىنىڭ ورىنباسارى قىزمەتىن اتقارعان.

«ۇاعبو» كەاق عىلىمي زەرتتەۋلەر ناتيجەلەرى مەن ءتيىمدى تەحنولوگيالاردى اوك ەنگىزۋ جانە جوعارى بىلىكتى مامانداردى دايىنداۋ ماقساتىندا 2015 جىلدىڭ تامىز ايىندا قازاقستان رەسپۋبليكاسى ۇكىمەتىنىڭ قاۋلىسىمەن قۇرىلعان بولاتىن. بۇگىنگى تاڭدا ۇلتتىق اگرارلىق ءعىلىمي-بىلىم بەرۋ ورتالىعىنىڭ قۇرامىندا 3 اگرارلىق جوو، 31 فيليالدارى بار 23 عىلىمي زەرتتەۋ ينستيتۋتتارى، 7 تاجىريبەلىك شارۋاشىلىقتار، 7 سەلەكسيالىق ستانسيالار، 4 سەرۆيستىك كومپانيالار بار. «ۇاعبو» كەاق ءعىلىمي-بىلىم بەرۋ مەكەمەلەرى ەلىمىزدىڭ بارلىق ايماقتارىن قامتيدى.