قىرعىزستاندى وتاندىق كومىرمەن قامتاماسىز ەتۋ - قازىرگى تاڭداعى باستى ماقسات، دەپ مالىمدەدى جەر قويناۋىن پايدالانۋ مەملەكەتتىك كوميتەتىنىڭ باسشىسى ۋلان رىسكۋلوۆ.
ول «كىرگىزكومۋر» كاسىپورىنىنىڭ جۇمىسشىلارىمەن كەزدەستى، دەپ Qamshy.kz اقپارات اگەنتتىگى ازاتتىققا سلتەمە بەرىپ جازادى. ونىڭ ايتۋىنشا، شەكاراداعى جاعدايعا بايلانىستى ەكى اي بويى كورشى ەلدەن كومىر كەلمەگەن ۋاقىتتا "قازاق كومىرىنسىز ءومىر سۇرۋگە بولاتىنى بەلگىلى بولدى".
"كومىر تاپشىلىعى سەزىلمەدى، ءبىراق الىپ-ساتارلار باعانى ءوسىرىپ جىبەردى"، - دەدى ول.
رىسكۋلوۆتىڭ ايتۋىنشا، قىرعىزستانعا جىلىنا 1،8 ملن توننا كومىر قاجەت. ۇكىمەت وتاندىق كومىر ءوندىرۋدى جىلىنا 1،5 ملن تونناعا جەتكىزۋدى مىندەتتەدى.
قازاق كومىرىنىڭ ءبىر تونناسى 30 دوللار، ال جەرگىلىكتى كومىر 50 دوللار تۇرادى.
