ينتەرنەتتە ءبىر توپ ادامنىڭ بالالاردى ۇرلاپ جاتقانى تۋرالى تاراعان اقپارات جالعان، دەپ مالىمدەدى ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ. بۇل تۋرالى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ حابارلايدى.
"مەسسەندجەردە دىبىستىق حابارلاما ارقىلى بالالاردىڭ جاپپاي ۇرلانۋىنا قاتىستى تاراعان اقپارات شىندىققا جاناسپايدى. قازاقستان اۋماعىندا مۇنداي فاكتى جوق»، — دەپ مالىمدەدى سادۋبايەۆ.
ول حابارلامادا ايتىلعان يانيكوي اۋىلى رەسەيدەگى كاباردينو-بالقاريا اۋماعىندا ورنالاسقانىن اتاپ ءوتتى.
ايتا كەتسەك، بۇعان دەيىن جەلىدە دىبىستىق حابارلاما تاراعان بولاتىن. جازباداعى ەر ادام الدەكىمدەردىڭ بالالاردى كامپيتپەن الداپ، ۇرلاپ جاتقانىن مالىمدەدى. ايتۋىنشا، كامپيت قۇرامىندا ەسىرتكى نەمەسە ۇيىقتاتىن پسيحوتروپتىق دارىلىك زاتتار بار ەكەن.
