الماتىنىڭ قالاقۇرىلىسى كەڭەسىندە ءبىرقاتار جاڭا جوبالار بەكىتىلدى، ياعني 276،8 مىڭ شارشى مەتر تۇرعىن ءۇي، 6،7 مىڭ شارشى مەتر كولىك تۇراعى، التى مەكتەپ جاسىنا دەيىنگى بالالار مەكەمەلەرى مەن جەكە مەكتەپ سالىنادى، جالپى الاڭى 3،6 گا بولاتىن ەكى جەر ۋچاسكەسى قالانىڭ كوممۋنالدى مەنشىگىنە بەرىلەدى. جالپى، جاڭا نىساندار سالىنعاندا 27،5 گا جەر يگەرىلەدى، ونىڭ 10،6 گەكتارى جاسىلداندىرىلادى. قۇرىلىس كەزىندە 4،5 مىڭ جۇمىس ورنى قۇرىلادى.
مىسالى، ناۋرىزباي اۋدانىنداعى «شۇعىلا» ىقشام ەلدى مەكەنىندە سالىناتىن 16 قاباتتى تۇرعىن ءۇيدىڭ جوباسى بەكىتىلدى.1026 ورىندى كوپدەڭگەيلى پاركينگ سالۋ قاراستىرىلعان. بيزنەستىڭ الەۋمەتتىك جاۋاپكەرشىلىگى اياسىندا قۇرىلىستى جۇرگىزۋشى بالا باقشاسىن سالۋ ءۇشىن 0،6 گا جەردى قالانىڭ كوممۋنالدى مەنشىگىنە وتكىزەدى.
ءوز كەزەگىندە الاتاۋ اۋدانىنىڭ «وجەت» ەلدى مەكەنىندە بەس جانە جەتى قاباتتى تۇرعىن ۇيلەر سالىنادى. وسى اۋماقتا 100 جانە 150 ورىندى ەكى بالا باقشا سالۋ جوبالانعان، سونىمەن قاتار ۇشدەڭگەيلى اۋلا تۇراقتارى بولادى. رەكرەاسيالىق الاڭ رەتىندە سكۆەرلى بۋلۆار قاراستىرىلعان.
قالانىڭ بوستاندىق اۋدانىندا 360 وقۋشىعا ارنالعان حالىقارالىق جالپى ءبىلىم بەرەتىن مەكتەپ جانە 120 ورىندى بالا باقشا بوي كوتەرەدى. عيمارات ەكى بلوكتان تۇرادى، ولار ءوزارا گالەرەيامەن جالعاسادى. مەكتەپ اۋماعىندا بالالاردىڭ ويىن جانە سپورت الاڭدارى، باسسەين، جارىستار وتەتىن سپورت جازىقتار قاراستىرىلعان.
وسى ايماقتا ءال-فارابي، سەيفۋللين، ماركوۆ، پوپوۆا كوشەلەرى بويىندا «جاسىل» ستاندارتى بويىنشا تۇرعىن ءۇي پايدا بولادى. ءار قابات ەكولوگيالىق تازا ماتەريالداردان جاسالادى، ىسكە قوسىلعاندا جوعارى ەنەرگيالىق تيىمدىلككە قول جەتەدى، تەرراستارعا اعاش وتىرعىزىلادى. مۇندا ءبىرىنشى قاباتتا كوممەريالىق نىساندار، 350 ورىندى ەكى بالا باقشا مەن جەر استى پاركينگ بولادى. قۇرىلىستىڭ ءبىتۋ مەرزىمى– 4 جىل.
بۇدان وزگە، بوستاندىق اۋدانىندا سالىناتىن ەكى كوپقاباتتى تۇرعىن ۇيلەردىڭ جوبالارى بەكىتىلدى. كەشەن بەس ۇيدەن، بالا باقشادان، جەر استى پاركينگتەن، بۇحار جىراۋ بۋلۆارىنىڭ سولتۇستىگىنە قاراي، ەسەنتاي وزەنىنىڭ شىعىسىنا قاراي بوي كوتەرەتىن كوممەرسيالىق نىساننان تۇرادى. گاگارين - بەرەزوۆسكيي - رادوستوۆەس - كورولەنكو كوشەلەرىنىڭ اۋماعىنا سالىناتىن ءتۇرلى سەكسيالارى، جەر استى پاركينگى، كوممەرسيالىق نىساندارى بار بەس كوپقاباتتى كەشەننىڭ جوباسى دا بەكىتىلدى.
اۋەزوۆ اۋدانىنداعى تەپليچنايا كوشەسىنىڭ بويىنا جەر استى پاركينگى، كوممەرسيالىق ناسىندارى بار 12 قاباتتى التى تۇرعىن كەشەنى سالىنادى.
ايتا كتەرلىگى، جوبالاردى قاراعان كەزدە ەنەرگيالىق ءتيىمدى ءارى ساپالى ماتەريالداردى پايدالانۋعا، سىرتقى ارلەۋ جۇمىستارىن تالاپقا ساي جۇرگىزۋگە، عيماراتتاردى تۇندە جارىق كوزدەرىمەن نۇرلاندىرۋعا، شەكتەۋلى جاندار ءۇشىن جاعداي جاساۋعا، كولىك جۇكتەمەسىنە، اۋلالاردى اباتتاندىرۋعا ايرىقشا نازار اۋدارىلادى.
