مۇنىمەن قاتار، اتالعان قالادا جاستارعا ارناپ جاتاقحانالار سالۋ ماسەلەسى قاراستىرىلعان ەكەن.

«بۇگىنگى تاڭدا بىرنەشە جوو جانە جەكە كاسىپكەرلەرمەن مەموراندۋمعا قول قويىپ ۇلگەردىك. «رۋحاني جاڭعىرۋ» باعدارلاماسىنىڭ اياسىندا 2 000 ورىندىق ءتورت جاتاقحانا سالىنىپ بىتۋگە جاقىن قالدى. كەلەسى جىلدان باستاپ 2،4 مىڭ ورىندىق جاتاقحانا سالىنا باستايدى»، — دەيدى اكىم.

2020 جىلعا دەيىن 7 مىڭ ورىندىق 12 جاتاقحانا سالىنباق. وسىعان دەيىن قالا اكىمدىگى مەن «تۇرعىن ءۇي قۇرىلىس جيناق بانكى» بىرىگىپ 35 جاسقا دەيىنگى جاستارعا ارناپ ءۇي سالاتىندارى تۋرالى حابارلادى. 10 ملن تەڭگەگە دەيىنگى اقشانى جاس وتباسىلار جىلىنا 5 پايىز جەڭىلدىكپەن الادى. نەسيە تولەۋشىنىڭ جاعدايىن ەسكەرىپ 3-تەن باستاپ 25 جىلعا دەيىن بەرىلەدى.

قاتىسۋشىلار ۇپاي جۇيەسى بويىنشا تاڭدالادى. مىسالى، ۇپايعا نەكەلەسكەن جىل، بالا سانى، تۇرعىلىقتى مەكەنى، جۇمىس ءوتىلى، ماماندىعى، جەكە كاسىپكەر رەتىندەگى تاجىريبەسى، الماتى قالاسىندا قانشا ۋاقىت تۇرعانى اسەر ەتەدى. كەيىن ءتۇقجب سالىمشىنىڭ تولەم جۇرگىزۋ قابىلەتتىلىگىن انىقتايدى.