ەرتەڭنەن باستاپ جەتىسۋ اۋدا­نىنىڭ اكىمدىگى مەن قالالىق ءىىد-نىڭ جول پوليسياسى باسقارماسى بىرلەسە وتىرىپ، اۋدان تۇرعىندارىنىڭ ءوتى­ءنىش بەرۋىنە بايلانىستى گەولو­گوۆ، ليساكوۆسكايا جانە شەلي­حوۆ كوشە­لەرى بويىندا ءبىر باعىتتىق كولىك قوزعالىسىن ەنگىزەدى.

سوعان وراي ليساكوۆسكايا مەن شەليحوۆ كوشەلەرىندەگى قوزعالىس كەستەسىنە مىنا تارتىپتە وزگەرىستەر ەنەدى: رىسقۇلوۆ داڭعى­لىنان شىعىس باعىتتاعى شەليحوۆ كوشە­سىنە قاراي وڭعا بۇرىلۋعا تىيىم سالىنادى جانە ليساكوۆسكايا كوشەسىندە باتىس باعىت­قا قاراي ءبىر باعىتتىق ءتارتىپ ورنايدى. بۇل رەتتە ليساكوۆسكايا كوشەسىنە تەك رىسقۇلوۆ داڭعىلىنان ءتۇسىپ بارۋعا بولادى.

سول سەكىلدى، گەولوگوۆ كوشەسىندە دە ءدال وسىنداي جاعداي بولادى. وندا ءبىر باعىتتىق قوزعالىس ءبىرىنشى مامىر مۇناي بازاسى كوشەسىنەن باستالىپ، «كوكجيەك» ىقشىم­اۋدانىنداعى بۇرىلىسقا دەيىن سوزىلادى. سوعان وراي الماتى وبلىسىنىڭ اۋماعىنان كىرگەن بارلىق اۆتوكولىكتەر سولتۇستىك جار­تى اينالىم كوشەسىنە ءوتۋ ءۇشىن تەك قانا ءبىرىنشى مامىر مۇناي بازاسى كوشەسىمەن عانا جۇرۋگە ءماجبۇر بولادى. ويتكەنى، بۇل شا­را قاربالاس ساعاتتاردا اۋماقتى اۆتو­كو­لىكتەن ارىلتۋ ماقساتىندا جاسالىپ وتىر.

جول بەلگىلەرى ورناتىلعاننان كەيىنگى العاشقى كەزدەرى جول پاترۋل پوليسياسى قىزمەتكەرلەرى تاراپىنان جولدا ءجۇرۋ ءتارتىبىن بۇزعان جۇرگىزۋشىلەرگە اۋىزشا ەسكەرتۋ بەرۋمەن عانا شەكتەلەتىن شارا قولدانىلاتىن بولادى.

باۋىرجان بايبەك سينگاپۋرلىقتارمەن كەزدەسۋدە الماتىدا اۋقىمدى كولىك رەفورماسى جۇزەگە اسىرىپ جاتقانىن، الداعى ۋاقىتتا سينگاپۋردىڭ كولىك سالاسىنداعى تاجىريبەسىن پايدالاناتىنىن ايتقان.

«الماتى كوشەلەرىن كۇن سايىن 700 مىڭنان استام كولىك ءجۇرىپ وتەدى، سونىڭ سالدارىنان قالا ترافيگىنە قىسىم جاسالۋدا. ءبىز قوعامدىق كولىككە ەرەكشە  نازار اۋدارامىز. جىل اياعىنا دەيىن قالا اۆتوبۋس پاركىنىڭ ۇشتەن ءبىرى جاڭارادى، جرك جوباسىنا دايىندىقتار جاسالۋدا، برت ءدالىزى قۇرىلادى، مەترو قۇرىلىسى جالعاسادى، اۆتوبۋستارعا ارنالعان ارنايى جولاقتار ۇزىندىعى 100 شاقىرىمعا دەيىن جەتەدى. كولىك تۇراقتارى قولعا الىنىپ، ۆەلوينفراقۇرىلىم، جاياۋ جۇرگىنشى ايماقتارى پايدا بولۋدا»، - دەدى باۋىرجان بايبەك.   

سونىمەن قاتار، الماتى دەلەگاسياسى سينگاپۋردىڭ ستراتەگيالىق جوسپارلاۋ جانە قالا قۇرىلىسىن باقىلاۋ جونىندەگى اگەنتتىگىنىڭ جۇمىس تاجىريبەسىنە جەتە ءمان بەردى.

«بۇگىنگى كۇنى ءبىز «الماتى-2020» باعدارلاماسىن جۇزەگە اسىرۋدامىز، ونىڭ باستى باعىتى ەكولوگيا، ترانسپورت رەفورماسى، دەنساۋلىق ساقتاۋ، قاۋىپسىزدىك جانە ينفراقۇرىلىمدى دامىتۋ. قالانىڭ ەكونوميكالىق الەۋەتىن ارتتىراتىن شەبەرلىك جوسپارىن دا جاسادىق. تەحنولوگيا ۇنەمى وزگەرەدى، سوندىقتان ءبىز قالا تۇرعىندارىنىڭ ءومىرىن جاقسارتاتىن جوبالاردى ەنگىزەتىن بولامىز»، - دەپ اتاپ ءوتتى اكىم.

باۋىرجان بايبەكتىڭ جۇمىس ساپارىنىڭ قورىتىندىسى بويىنشا شەتەلدىك سەرىكتەستەر ءۇشىن باعدارلامالار مەن شەشىمدەر دايىندايتىن «Singapore Cooperation Enterprise» مەملەكەتتىك اگەنتتىك الماتىعا سمارت-تەحنولوگيانى ەنگىزۋگە، قالا قۇرىلىمىن ءتيىمدى جوسپارلاۋعا جانە شەبەرلىك جوسپارلاردى جاساۋعا كومەكتەسەتىن بولادى.

وسى رەتتە الماتىنى دامىتۋ ورتالىعى، الماتى قالاسىنىڭ ساۋلەت جانە قالا قۇرىلىسى باسقارماسى مەن «Singapore Cooperation Enterprise» اراسىندا جاسالعان ءتيىستى مەموراندۋمعا قول قويىلدى.