الەۋمەتتىك جەلى ارقىلى تانىسىپ، كەزدەسەمىز دەپ،  كەيىن وتە قيىن جاعدايلارعا ۇشىراعان ادامدار ومىردە ءجيى كەدەسەدى. وسىنداي جاعدايلاردىڭ ءبىرقاتارىن Qamshy.kz اقپارات اگەنتتىگى لەنتا.رۋ-عا سىلتەمە بەرىپ جازادى.

وسى جىلدىڭ جەلتوقسان ايىندا اقش-تىڭ نەلاي قالاشىعىندا جاس قىز الەۋمەتتىك جەلى ارقىلى ەر اداممەن تانىسىپ ءىز-تۇسسىز جوعالىپ كەتكەن. Tinder جەلىسى ارقىلى تانىسقان جاس قىز سيدنەي لۋف سوڭعى رەت دوستارىنا كەزدەسۋگە كەتىپ بارا جاتقانىن ايتىپ حابارلاعان. بەتىن ارلەپ دايىندالىپ جاتقانىن سۋرەتكە ءتۇسىرىپ دوستارىنا ءجىبeرگەن. الايدا ءدال سول كۇننەن كەيىن قىز جوعالىپ كەتەدى.

نەلاي قالاشىعىدا نەبارى 1،5 مىڭ ادام  تۇرعىنىندىقتان  مۇندا بارلىعى ءبىر-بىرىن تانيدى ەكەن. كەيىن بەلگىلى بولعانداي، قىز 23 جاستاعى قۇربىسى مەن ونىڭ 51 جاستاعى دوسىنىڭ ۇيىنە بارعان. كۇدىكتىلەردى پوليسيا قاماۋعا العانىمەن، ولار قىزعا ەشتەڭە ىستەمەگەندەرىن ايتىپ اقتالعان. قازىرگى ۋاقىتتا قىزدىڭ قايدا ەكەنى بەلگىسىز.

    وسى سياقتى، فلوريدا شتاتىندا روبەرت ۆۋدس ەسىمدى فارماسيەۆت جىگىت ءوزىنىڭ ماماندىعى مەن ءبىلىمىن پايدالانىپ، كەزدەسۋگە كەلگەن جاس قىزدىڭ ىشىمدىگىنە ءدارى قوسىپ جىبەرگەن. ەرتەسىندە دەنەسىنەن كوگەرگەن ىزدەر مەن ينەنىڭ ءىزىن كورگەن قىز اۋرۋحاناعا بارعان. ءوزىنىڭ الدانعانىن بىلگەن قىز پوليسياعا حابارلاسىپ، ناتيجەسىندە فارماسيەۆت ايلاكەر ۇستالعان.

تاعى ءبىر ەرەكشە كەزدەسۋ جايلى كەيلي كەپيتەل ەسىمدى بلوگەر قىز  ايتادى. ول ءوزىنىڭ ومىرىندە بولعان بۇل كەزدەسۋدى  ەڭ سۇمدىق كەزدەسۋ دەيدى . ول ەر اداممەن تانىسقان، باستاپقىدا ولاردىڭ قارىم-قاتىناسى جاقسى وربىگەن. جاس جىگىت قىزدى كينوعا، كافەگە الىپ بارىپ، كوڭىلىن اۋلاعان.

الايدا، ءۇشىنشى كەزدەسۋدە قىزدىڭ جىگىتكە دەگەن قارىم-قاتىناسى تولىقتاي وزگەرگەن.  ساياباقتا قىدىرعان ولار، كەيىن جىگىتتىڭ جۇمىسىنا سوعىپ كەتپەكشى بولادى. اۋرۋحانادا جۇمىس ىستەيمىن دەپ ايتقان جىگىت، قىزدى عيماراتتىڭ ەڭ تومەنگى قاباتىنا الىپ بارعان. «ءبىر نارسە كورسەتەم» دەگەن ول قىزدى تۇپ-تۋرا ءمايىتحاناعا الىپ كەلگەن. بولمەگە  كىرىپ قىزعا كارى ايەلدىڭ ءمايىتىن كورسەتىپ، «بۇرىن-سوڭدى ءمايىت كورگەن با ەدىڭ؟» دەپ سۇراعان.  زارەسى ءزار تۇبىنە كەتكەن قىزدىڭ بار ويى وسى ءمايىتحانادا قالىپ قالماۋ بولعان ەكەن. «ول اقىل ەسى كەمىس جىگىت بولعان سياقتى. مەنى قورقىتقىسى كەلگەن. بۇل مەنىڭ ومىرىمدەگى ەڭ سۇمدىق كەزدەسۋ»-دەيدى كەيلي.

بلوگەر قىز تانىس ەمەس ادامدارمەن كەزدەسۋ كەزىندە، الەۋمەتتىك جەلىمەن تانىسۋ كەزىندە  جاستاردى مۇقيات بولۋعا شاقىرادى. جالپى، جاقسى تانىمايتىن ادامدارمەن جەكە قالماۋعا تىرىسۋ كەرەك.