الماتىدا «قۋانىش سىيلا» اتتى قايىرىمدىلىق شاراسى ءوتتى.
تاۋەلسىزدىك كۇنىنىڭ قارساڭىندا Halyk Arena سپورت كەشەنىندە مۇمكىندىگى شەكتەۋلى بالالار مەن جاسوسپىرىمدەرگە ارنالعان "قۋانىش سىيلا" قايىرىمدىلىق شاراسى ءوتتى.
اكسيا اياسىندا بالالار “الماتى” xوككەي كلۋبىمەن تانىسىپ، كاسىپقوي xوككەيشىلەرمەن شەبەرلىك ساباعىنا قاتىستى. ءوز كەزەگىندە، سپورتشىلار تاجىريبەلەرىمەن ءبولىسىپ، قىزىقتى دا تارتىستى ويىن ۇلگىسىن كورسەتتى. حوككەيدەن الماتىق كوماندانىڭ رەسمي فان-كلۋبى “Forza” دا ويىنشىلارعا قولداۋ كورسەتىپ، جاقسى كوڭىل-كۇي سىيلادى.
ۇيىمداستىرۋشىلار قوناقتاردى بالالارعا ارنالعان شوۋ، انيماتورلار جانە كلوۋنداردىڭ قاتىسۋىمەن وتكەن كىشىگىرىم كونسەرتتىك باعدارلامامەن قۋانتتى. سالتاناتتى كەشكى اس پەن سىيلىقتاردى تابىستاۋ ءراسىمى بالالاردىڭ قۋانىشىن ەسەلەي ءتۇستى.
– بىزگە بارلىعى ۇنادى. بۇگىن كينوعا بارىپ، تاماقتانىپ، حالىق ارەناعا كەلدىك. سونداي-اق، تاماشا xوككەي ويىنىن تاماشالادىق. ءبىزدىڭ بالالار سپورتتى جاقسى كورەدى. ونىمەن قوسا، بىزدە ءجۇزۋ، ارمرەستلينگ سىندى سپورت تۇرلەرىنەن الەمدىك دودالاردىڭ قاتىسۋشىلارى دا بار. بۇگىن بالالار ءۇشىن كەرەمەت مەرەكە ءوتتى. ولارعا قۋانىش سىيلاعان ۇيىمداستىرۋشىلارعا دەگەن العىسىمىز شەكسىز، – دەپ ءبولىستى «اقجول» قايىرىمدىلىق قورىنىڭ وكىلى رۋشانا تاحتاحۋنوۆا.
شارا ۇيىمداستىرۋشىلارى: “الماتى” xوككەي كلۋبى” جانە “الماتىقالاسىنىڭ سپورتتىق نىساندار ديرەكسياسى”. ولاردىڭ ايتۋىنشا، جاستاردى كاسىپقوي سپورتشىلارمەن تانىستىرۋ، سپورتقا باۋلۋ ولاردىڭ سالاۋاتتى ءومىر سالتىن ۇستانۋىنا سەپتىگىن تيگىزەرى ءسوزسىز.
– ءبىز تاۋەلسىزدىك كۇنىنە وسىنداي مەرەكە ۇيىمداستىرىپ، “امال-يمان” جانە “اق جول” قوعامدىق قورلارىنىڭ 60 بالالارى مەن جاسوسپىرىمدەرىنە ارناپ وتكىزدىك. ولار xوككەي ويىنىن تاماشالاپ، ءبىزدىڭ xوككەيشىلەرمەن تانىستى. ۇيىمداستىرۋشىلار اتىنان ءبىز ولارعا مەكتەپكە ارنالعان قۇرال-جابدىقتار مەن ەستەلىك سىيلىقتارىن تابىستادىق، – دەپ ءبولىستى “الماتى” xوككەي كلۋبىنىڭ ديرەكتورى ەرجان ايدارxانوۆ.
ايتا كەتسەك، “الماتى” xوككەي كلۋبى بالالاردى xوككەي بولىمدەرىنە قابىلداۋدا. تولىق مالىمەتتى “الماتى” xوككەي كلۋبىنىڭ رەسمي الەۋمەتتىك جەلىلەرىندەگى پاراقشالارىنان تابا الاسىزدار. سونىمەن قاتار، جاعدايى تومەن وتباسىلاردان شىققان جانە دارىندى، جاقسى ناتيجەلەر كورسەتكەن بالالارعا تەگىن باعدارلامالار قاراستىرىلعان.
