براتيسلاۆادا تاۋەلسىزدىك كۇنىنە ارنالعان جانە قازاقستان مەن سلوۆاكيا اراسىنداعى ديپلوماتيالىق قاتىناستاردىڭ 25 جىلدىعىنا وراي گالا-كونسەرت جانە Kazakhstan Fashion Week Astana قازاقستاندىق ءسان يندۋسترياسىنىڭ كورسەتىلىمى بولىپ ءوتتى، دەپ حابارلايدى Qamshy.kz اقپارات اگەنتتىگى سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.
اتالعان ءىس-شاراعا 400 ادام، سونىڭ ىشىندە سلوۆاكيا ەكس-پرەزيدەنتى يۆان گاشپاروۆيچ، پرەزيدەنتى اكىمشىلىگىنىڭ، ۇكىمەتىنىڭ، پارلامەنتىنىڭ، ىسكەرلىك جانە مادەني-قوعامدىق توپتارىنىڭ وكىلدەرى، سونداي-اق شەتەلدىك ديپلوماتيالىق وكىلدىكتەردىڭ باسشىلارى قاتىستى. ءوز سوزىندە ەلشى سەرجان ابدىكارىموۆ پرەزيدەنت نۇرسۇلتان نازاربايەۆتىڭ باسشىلىعىمەن وسى جىلى بيلىك وكىلەتتىكتەرىن قايتا ءبولۋ تۋرالى كونستيتۋسيالىق رەفورمانىڭ، ءۇشىنشى ەكونوميكالىق جاڭعىرۋدىڭ باستالۋىنىڭ جانە رۋحاني جاڭارۋدىڭ ارقاسىندا جەتىلدىرىلگەن قازاقستاننىڭ ينستيتۋسيونالدىق ساياسي جانە الەۋمەتتىك-ەكونوميكالىق رەفورمالاردى ىسكە اسىرۋداعى تانىلعان كوشباسشىلىعىن اتاپ ءوتتى.
سىرتقى ساياساتتا ديپلومات قازاقستاننىڭ بايلانىستىرۋشى ەۋرازيالىق قۇرلىقارالىق كوپىر رەتىندەگى ماڭىزدىلىعىن، سونىمەن قاتار جاھاندىق يادرولىق قارۋسىزدانۋ مەن ونى تاراتپاۋ ۇدەرىسىندەگى، سيريا جانە باسقا دا جانجالدى جاعدايلار بويىنشا كەلىسسوزدەردەگى جەتىستىگىن اتاپ ءوتتى. س. ابدىكارىموۆ قازىرگى تاڭدا جوعارى دەڭگەيگە جەتكەن قازاقستاندىق-سلوۆاك ساياسي، ساۋدا-ەكونوميكالىق جانە مادەني-گۋمانيتارلىق قاتىناستارىنىڭ 25 جىلدىق دامۋىن دا سيپاتتاپ بەردى.
سونىمەن بىرگە، استانادا «بولاشاق ەنەرگياسى» تاقىرىبىنداعى «ەكسپو-2017» حالىقارالىق كورمەسىنىڭ ويداعىداي وتكىزىلۋى جانە سلوۆاكيانىڭ وعان قاتىسۋى سلوۆاكيالىق جانە قازاقستاندىق كومپانيالار اراسىنداعى ينۆەستيسيالىق، يننوۆاسيالىق جانە ساۋدا-ەكونوميكالىق بايلانىستاردىڭ جاندانۋىنا جاڭا سەرپىن بەردى. سلوۆاكيانىڭ ۇكىمەتى اتىنان قارجى ءمينيسترىنىڭ ورىنباسارى دانا ميگەر حالقىمىزدى تاۋەلسىزدىك كۇنىمەن قۇتتىقتاپ، قازاقستاننىڭ ورتالىق ازياداعى جانە ەۋرازيالىق كەڭىستىكتەگى ماڭىزدىلىعىن باسا ايتتى. ەلىمىزدىڭ ودان ءارى جاڭعىرۋ جوسپارلارىنا قولداۋ ءبىلدىرىپ، كەلەشەكتە رەسمي استانامەن جان-جاقتى بايلانىستاردى نىعايتۋعا دايىن ەكەنىن راستادى.
رەسمي بولىمنەن كەيىن «جاھاندىق الەمدەگى زاماناۋي قازاقستاندىق مادەنيەت» جوباسىن ىسكە اسىرۋ شەڭبەرىندە گالا-كونسەرت جانە ورتالىق ازياداعى ەڭ ۇلكەن «Kazakhstan Fashion Week Astana» ءسان اپتالىعىنىڭ مودەلدەر جيناعىنىڭ كورسەتىلىمى بولىپ ءوتتى. كونسەرتتىك باعدارلاما ابزال ارىقبايەۆ پەن انار قاسىموۆانىڭ «اركايم» اتتى نەو-ەتنو-فولكلورلىق دۋەتىنىڭ قازاقتىڭ كونە ەمۋزىكالىق اسپاپتارى - دومبىرا، شاڭقوبىز، سازسىرنايدا ورىنداعان تۋىندىلاردان باستالدى.
سونداي-اق، ا. قاسىموۆا حالىق اندەرىن ورىنداپ، ءوزىنىڭ كومەيمەن ءان ايتۋ ونەرىن ورتاعا سالدى. كلاسسيكالىق جانە ەسترادالىق مۋزىكالىق ءوليمپتىڭ قازاقستاندىق جۇلدىزى، مونتە-كارلوداعى 28ء-شى حالىقارالىق فەستيۆالدىڭ ءبىرىنشى سكريپكاسى ءجاميلا سەركەبايەۆانىڭ جارقىن جانە حاريزماتيكالىق ونەر كورسەتۋى قوناقتار ءۇشىن تاعى دا ءبىر ادەمى توسىن سىي بولدى. ءارتىس اسقان شەبەرلىكپەن قازاق جانە ەۋروپالىق تانىمال اۋەندەردى ورىندادى. ۇلتتىق ستيلدە جۇمىس ىستەيتىن ديزاينەرلەر «قۇراق كورپە»، «ساميدەل» جانە «ايدا كاۋمەنوۆا»-نىڭ قازاق حالقىنىڭ مادەنيەتى مەن داستۇرلەرىن پاش ەتەتىن جيناقتارى كورەرمەندەردىڭ قوشەمەتتەرىنە يە بولدى. كورسەتىلىمنىڭ اياقتالىسىمەن قوناقتار كورمەگە قاتىسىپ، پرەت-ا-پورتە شەبەرلەرىمەن جانە مانەكەنشىلەرمەن تىلدەسىپ، قازاقستاننىڭ جوعارى ءسان الەمىمەن تانىسۋعا جانە قازاق ۇلتتىق تاعامدارىنان ءدام تاتۋعا مۇمكىندىك الدى.
