الماتىدا سپورت سۇيەر قاۋىمنىڭ قۋانىشىن تاسىتقان قىسقى «ۋنيۆەرسيادا-2017» مەگاپوليسكە مۇرا رەتىندە تەك سپورت كەشەندەرىن عانا ەمەس، اتلەتتەر قالاشىعىن دا قالدىرعانى بەلگىلى. 

«اتلەتتەر قالاشىعىنداعى پاتەرلەر «نۇرلى جەر» مەملەكەتتىك باعدارلاماسىنىڭ قاتىسۋشىلارىنا بەرىلدى. بارلىعى 1748 پاتەرگە تۇرعىندارمەن ارادا كەلىسىمشارت جاسالدى. ارەندالىق ۇيلەردى بەرۋدى جەرگىلىكتى بيلىك ءتىزىم بويىنشا جۇزەگە اسىرادى. بۇل - ءبىزدىڭ نەگىزگى مىندەتىمىز. قازاقستان يپوتەكالىق كومپانياسى پاتەر كەزەگىندەگى تۇرعىنداردىڭ تولەم قابىلەتىن تەكسەردى. ارەنداتورلاردىڭ تولەمى ۇلتتىق قور الدىنداعى قارىزدى جابۋعا جۇمسالادى»، - دەدى الماتىنىڭ قالالىق اكىمدىگىنەن.

جەرگىلىكتى باسقارۋشى بيلىك وكىلدەرىنىڭ مالىمەتىنە سۇيەنسەك، پاتەرلەر كوپ بالالى، تولىق ەمەس وتباسى، مۇگەدەك بالاسى نەمەسە اسىراۋىندا مۇگەدەك بالا بار جانۇيالار، جەتىم، اتا-انا قامقورىنسىز قالعاندار، ورالماندار مەن مەملەكەتتىك قىزمەتشىلەر، 1،2ء-شى توپتاعى مۇگەدەك جاندارعا جالعا بەرىلدى.

ايتا كەتەرلىگى، بولىنگەن بارلىق پاتەردىڭ 50 پايىزى 35 جاسقا دەيىنگى جاس وتباسىلارعا بولىنگەن.

العاشقى تۇرعىندار 2017 جىلدىڭ 22 ناۋرىز كۇنى قونىس تويلارىن وتكىزگەن بولاتىن. ەرەكشە پاتەرلەردىڭ بىرىنە قول جەتكىزگەن باقىتتى شاڭىراقتىڭ يەسى دارىگەر تاتيانا سامويلوۆا. ول بالالارعا جەدەل جاردەم كورسەتۋ ورتالىعىندا پەدياتور-دارىگەرى، نەونتولوگ بولىپ قىزمەت ىستەيدى.

«حالىققا الەۋمەتتىك قولداۋ جاساعانى ءۇشىن مەن مەملەكەت باسشىسىنا العىسىمدى بىلدىرگىم كەلەدى. ءبىزدىڭ ەندى باسىمىزدا باسپانا بار. مەن اتلەتتەر قالاشىعى تۋرالى ۋنيۆەرسياداعا بارعانىمدا كورىپ، تاماشا ىڭعايلى اۋدان سالىنعانىنا ءدان ريزا بولعان ەدىم»، -دەيدى ت. سامويلوۆا.

«اتلەتتەر قالىشىعى» كەشەنىندە 14 تۇرعىن ءۇي بار. جالپى اۋماعى - 23 گەكتار. 1748 پاتەر ساتىلۋعا شىعارىلدى. پاتەردىڭ جالعا بەرۋ قۇنى 1 شارشى مەترىنە 1 036 تەڭگە. جالعا الۋ مەرزىمى 20 جىل. 5 جىلدان كەيىن پاتەردى يەسىنىڭ مۇمكىندىگىنە قاراي ساتىپ الۋىنا رۇقسات ەتىلەدى.

الماتى قالاسىندا «نۇرلى جەر» ينفراقۇرىلىم جوبالارىنا شامامەن 20 ملرد تەڭگە باعىتتالعان. داعدارىسقا قارسى باعدارلاما بويىنشا قالاشىق قۇرىلىسىنا رەسپۋبليكالىق بيۋدجەتتەن 33 ملرد تەڭگە بولىنگەن.

ستاتيستيكالىق مالىمەتكە سۇيەنسەك، 2016 جىلى مەن 2017 جىلدىڭ العاشقى جارتى جىلدىعىندا الماتىدا 4 پاتەر بەرىلگەن. بۇل 2014-2015 جىلمەن سالىستىرعاندا ەكە ەسەگە كوپ. جىل سوڭىنا دەيىن 4،5 مىڭ پاتەر بەرىلۋ جوسپارلانعان.