وتكەن ايدا الەۋمەتتىك مەديسينالىق ساقتاندىرۋ قورىنا 6 ملرد. تەڭگەگە جۋىق جارنا تۇسكەن. ونىڭ 21،6 پايىزى الماتىلىقتاردىڭ ۇلەسىندە.

قازان ايىندا جۇمىس بەرۋشىلەر مەن جەكە كاسىپكەرلەر «الەۋمەتتىك مەديسينا­لىق ساقتاندىرۋ قورى» كەاق-نىڭ ۇلتتىق بانكتەگى شوتىنا 6 ملرد. تەڭگەگە جۋىق ساق­تاندىرۋ جارناسىن اۋداردى.

مىندەتتى الەۋمەتتىك مەديسينالىق ساقتاندىرۋ جۇيەسى ىسكە قوسىلعان شىلدە ايىنان بەرى تۇسكەن جارنالار مەن اۋدا­رىمدار مولشەرى 18،6 ملرد. تەڭگەنى قۇراپ وتىر. ونىڭ 81 پايىزى، ياعني 15،02 ملرد. تەڭگەسى جۇمىس بەرۋشىلەردىڭ قارا­ماعىن­داعى جۇمىسكەرلەر ءۇشىن جاساعان اۋدا­رىمدارى. ال قالعان 19 پايىزى نەمەسە 3،54 ملرد. تەڭگە جەكە كاسىپكەرلەر مەن ازاماتتىق-قۇقىقتىق كەلىسىمشارت نەگى­زىندە ەڭبەك ەتەتىن تۇلعالارعا تيەسىلى.

قور مالىمەتىنشە، جارنا تولەۋ جاعى­نان بۇرىنعىشا الماتى (جالپى سوما­نىڭ 21،6%) مەن استانا (12%) قالا­لارى، سونداي-اق، قاراعاندى (8،2%) جانە شىعىس قازاقستان (7،4%) وبلىستارى كوش باستاپ تۇر.

كورسەتكىش الەۋمەتتىك مەديسينالىق ساقتاندىرۋ قورىنىڭ بيىلعى جاساعان بولجامدارىنا ساي كەلىپ وتىر.

ەستەرىڭىزگە سالا كەتسەك، شىلدەنىڭ بىرىنەن باستاپ جۇمىس بەرۋشىلەر مەن جەكە كاسىپكەرلەر (جەكە مەنشىك نوتاريۋستار مەن سوت ورىنداۋشىلارى، ادۆوكاتتار، كاسىبي مەدياتورلار) جانە ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالار دا جارنا تولەپ جاتىر. جۇمىس بەرۋشىلەر بيىل جۇمىسكەر جال­اقىسىنىڭ 1 پايىزىن، جەكە كاسىپ­كەرلەر 2 تومەنگى ايلىق جالاقىنىڭ 5 پايىزىن اۋدارۋدا. 2017 جىلى جارنا مولشەرى قۇراسا، ال 2445 تەڭگە 90 تيىندى، 2018 جىلى – 2828 تەڭگەگە تەڭ بولادى دەپ كۇتىلۋدە. جارنا ەسەپتەلەتىن جالاقىنىڭ ەڭ جوعارعى مولشەرى 15 تومەنگى ايلىق جالاقىدان نەمەسە 366 مىڭ 885 تەڭگەدەن اسپاۋى ءتيىس. ياعني اي سايىن تولەنەتىن مىندەتتى جارنانىڭ ەڭ جوعارعى مولشەرى 3668 تەڭگە 85 تيىننان اسپاۋى كەرەك. اقك نەگىزىندە ەڭبەك ەتەتىن ازاماتتار تابىسىنىڭ 5 پايىزىن اۋدارادى.