بەسقاراعاي اۋداندىق ءماسليحات دەپۋتاتتارىنىڭ كەلىسىمى بويىنشا ايماق باسشىسى دانيال احمەتوۆتىڭ وكىمىمەن بەسقاراعاي اۋدانى اكىمى لاۋازىمىنا داۋلەت باتىربايەۆ تاعايىندالدى دەپ حابارلايدى Qamshy.kz اقپارات اگەنتتىگى. ول بۇعان دەيىن ۇلان اۋدانىن باسقارعان بولاتىن.  

جاڭا باسشىنى اۋدان اكتيۆىنە شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ تانىستىردى.

داۋلەت باتىربايەۆ 1976 جىلى 7 شىلدەدە سەمەي قالاسىندا دۇنيەگە كەلگەن. 1998 جىلى سەمەي مەملەكەتتىك ۋنيۆەرسيتەتىن «بۋحگالتەرلىك ەسەپكە مامانداندىرىلعان ەكونوميست»، 2001 جىلى ءنوۆوسىبىر گۋمانيتارلىق ينستيتۋتىن «قۇقىقتانۋ» ماماندىقتارى بويىنشا ءتامامدادى.  

ەڭبەك جولىن 1998 جىلى سەمەي قالاسىندا ءنوۆوسىبىر گۋمانيتارلىق ينستيتۋتىندا ادىسكەر بولىپ باستادى. بىرنەشە جىل «ازيا» فيرما ج ش س بروكەر، ديرەكتور، سونىمەن قاتار، جەكە كاسىپكەر بولىپ ەڭبەك ەتتى. 2009 جىلى مەملەكەتتىك قىزمەتكە ءوتىپ، وسكەمەن قالاسى كاسىپكەرلىك، اۋىلشارۋاشىلىعى جانە ۆەتەريناريا بولىمىندە باس مامان مىندەتىنەن باستادى. 2010 جىلى وبلىس ورتالىعىنىڭ مەنوۆنوە اۋىلدىق وكرۋگى اكىمىنىڭ ورىنباسارى بولدى. كەيىن ءبىر جىل شقو جولاۋشىلار كولىگى جانە اۆتوموبيل جولدارى باسقارماسىندا ءبولىم باسشىسى قىزمەتىنە اۋىستى. 2012 جىلى ۇلان اۋدانى ساۋلەت، قالا قۇرىلىسى جانە قۇرىلىس ءبولىمنىڭ باسشىسى، سول جىلدىڭ شىلدە ايىندا ۇلان اۋدانى اكىمىنىڭ ورىنباسارى قىزمەتىنە اۋىستىرىلدى. بۇل لاۋازىمدا 4 جىل بويى ەڭبەك ەتتى. ال 2016 جىلى قاڭتاردا ۇلان اۋدانى اكىمى بولىپ تاعايىندالدى.