2017 جىلعى 21 جەلتوقساندا ق ر ۇلتتىق كiتاپحاناسىنىڭ ن.داۋلەتوۆا اتىنداعى زالىندا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قازاقتىڭ كەمەڭگەر جازۋشىسى مۇحتار اۋەزوۆتىڭ 120 جىلدىعىنا ارنالعان «قازاقتىڭ ۇلى جازۋشىسى» اتتى كەش ءوتتى، دەپ حابارلايدى Qamshy.kz اقپارات اگەنتتىگى. 

اتالعان ءىس-شارا رۋحاني جاڭعىرۋ اياسىندا ۇلى جازۋشىنىڭ ادەبي مۇراسىن زەرتتەپ جانە  م. اۋەزوۆتىڭ شىعارماشىلىعىن ناسيحاتتاۋ ماقساتىندا وتكىزىلدى. 

قازاقستاننىڭ تۇكپىر-تۇكپىرىندە جىل بويى  جازۋشىنىڭ مەرەيتويىنا ارنالعان ءتۇرلى ءىس-شارالار اتالىپ وتكىزىلدى. سونىمەن قاتار، شەت مەملەكەتتەر − قىرعىزستان، تۇركيا، رەسەي، وزبەكستاندا كەڭ كولەمدە اتاپ ءوتىلدى. ق ر ۇلتتىق كىتاپحاناسىنىڭ تورىندە وتكىزىلەتىن بۇل كەش – وسى مەرەيتويلىق جىلدى قورىتىندىلايتىن ءىس-شارا، دەپ ايتىپ ءوتتى ءوز سوزىندە مۇرات اۋەزوۆ. 

ايتا كەتسەك، 2015 جىلدان باستاپ «مۇحتار اۋەزوۆ الەمى» اتتى ءتولىقماتىندى ەلەكتروندىق كىتاپحاناسى قازاقستان رەسپۋبليكاسى ۇلتتىق كىتاپحاناسىنىڭ سايتىندا ورنالاسقان. اقپاراتتىق رەسۋرستىڭ نەگىزگى ماقساتى – مۇحتار اۋەزوۆتىڭ  ادەبي مۇراسىنا ءبىرىڭعاي قولجەتىمدىلىكتى قامتاماسىز ەتۋ، الەمدىك جانە وتاندىق قاۋىمداستىقتاردى  قازاق كلاسسيگىنىڭ شىعارماشىلىعىمەن تانىستىرۋ،  ۇلى جازۋشىنىڭ ءومىرى مەن قىزمەتى تۋرالى بىلىمدەرىن كەڭەيتۋ.

جازۋشىنىڭ تۋعان كۇنىنە وراي الماتى وبلىسىنىڭ كەربۇلاق اۋدانىنداعى نۇرىم اۋىلىندا «اۋەزوۆ» باعى اشىلدى.

كەش بارىسىندا ەستەلىك-سۇحبات، اشىق اڭگىمە وتىرىسى جانە مۇرات اۋەزوۆتىڭ «ۆرەمەن سۆيازۋيۋششايا نيت»، «ءدىلىم» اتتى جاڭا كىتاپتارىنىڭ تۇساۋكەسەرى وتەدى. قوس كىتاپتىڭ تۇساۋىن  سماعۇل ەلۋباي مەن باقىتجان قاناپيانوۆ كەستى. 

كەشكە  مۇرات اۋەزوۆ، سماعۇل ەلۋباي، دۋلات يسابەكوۆ، باقىتجان قاناپيانوۆ، سافار ابدۋللو، مارات سەمبين، ديار قونايەۆ،  سۆەتلانا انانيەۆا جانە قوعام قايراتكەرلەرى، بەلگىلى جازۋشىلار، ادەبيەتشىلەر، جازۋشىنىڭ تۋعان - تۋىستارى مەن كىتاپحانا قىزمەتكەرلەرى، وقىرماندار مەن ب ا ق وكىلدەرى قاتىستى.