الماتى قالاسىندا «قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ بويىنشا 2015-2017 جىلعا ارنالعان ءىس-شارالار جوسپارىنىڭ قورىتىندىسى» اتتى كونفەرەنسياسى بولىپ ءوتتى.
اتالمىش شارانى قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى مەن الماتى قالاسىنىڭ اكىمدىگى بىرلەسە وتىرىپ ۇيىمداستىرعان.
كونفەرەنسياعا الماتى قالاسىنىڭ جەرگىلىكتى جانە اۋماقتىق مەملەكەتتىك ورگانداردىڭ، جوعارى وقۋ ورىندارىنىڭ باسشىلارى مەن قوعامدىق جانە ۇكىمەتتىك ەمەس ۇيىمداردىڭ وكىلدەرى، جەرگىلىكتى ب ا ق وكىلدەرى قاتىستى.
اتالمىش كونفەرەنسيادا قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جانە الماتى قالاسىنداعى كولەڭكەلى ەكونوميكاعا قارسى ءىس-قيمىل جونىندەگى، سونداي-اق «نۇر وتان» پارتياسىنىڭ 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىنىڭ ءبىرىنشى كەزەڭىن ىسكە اسىرۋ تۋرالى جول كارتاسىنىڭ ورىندالۋى بويىنشا جانە قوعامدا سىبايلاس جەمقورلىققا قارسى مادەنيەت قالىپتاستىرۋ جونىندەگى كەشەندى جوسپارىنىڭ ىسكە اسىرىلۋى بويىنشا 2015-2017 جىلعا ارنالعان ءىس-شارالار جوسپارىن قورىتىندىلادى.
كونفەرەنسيا بارىسىندا الماتى قالاسى اكىمىنىڭ ورىنباسارى – مۇرات دارىبايەۆ، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى – ايگۇل بايحانوۆا، الماتى قالاسى قوعامدىق كەڭەسىنىڭ مۇشەسى كاكىمجان بيشمانوۆ، «ازاماتتىق باقىلاۋ» جوباسىنىڭ ۇيلەستىرۋشىسى – اسقار اسكەروۆ ءوز باياندامالارىن جاسادى. سونىمەن قاتار، قوعامدا سىبايلاس جەمقورلىققا قارسى مادەنيەت قالىپتاستىرۋ جونىندەگى كەشەندى جوسپارىنىڭ ىسكە اسىرىلۋى بويىنشا 2015-2017 جىلعا ارنالعان ءىس-شارالار جوسپارىنىڭ سىبايلاس جەمقورلىققا قارسى ىس-ارەكەت، ونىڭ دەڭگەيىن تومەندەتۋ، الدىن الۋ، بولدىرماۋ، قوعامدا جەمقورلىققا قارسى مادەنيەتتى قالىپتاستىرۋ باعىتىنداعى تارماقتارىنىڭ جەرگىلىكتى جانە اۋماقتىق مەملەكەتتىك ورگانداردىڭ، ءبىلىم، دەنساۋلىق، الەۋمەتتىك، كاسىپكەرلىك سالالارىندا ورىندالۋ بارىسى جونىندە جان-جاقتى تالقىلاندى.
«سىبايلاس جەمقورلىققا قارسى 2015-2025 جىلدارعا ارنالعان ق ر ستراتەگياسىنىڭ 2015-2017 جىلدارعا ارنالعان ءۇش جىلدىق كەشەندى جوسپارى قابىلدانعان بولاتىن. بۇگىنگى جيىندا ءبىز ءۇش جىلدا اتقارىلعان ءىس-شارالاردى قورىتىندىلايتىن بولامىز. سوڭعى جىلداردا قالامىزدا سىبايلاس جەمقورلىقتىڭ دەڭگەيى ەداۋىر تومەندەگەن»، - دەيدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى بايحانوۆا ايگۇل بەيبىتباي قىزى.
جيىن سوڭىندا قوعامدا سىبايلاس جەمقورلىققا قارسى مادەنيەت قالىپتاستىرۋ جونىندەگى كەشەندى جوسپارىنىڭ جوبالارىنداعى بايقاۋلاردىڭ جەڭىمپازدارىن سالتاناتتى تۇردە ماراپاتتاۋ ءراسىمى وتكىزىلدى.
