ۆاشينگتون ۋكرايناعا تۇتاستىعى مەن ەگەمەندىگىن قورعاۋ ماقساتىندا قورعانىس قارۋىن جەتكىزۋ تۋرالى شەشىم قابىلدادى، دەپ حابارلايدى Qamshy.kz اقپارات اگەنتتىگى reuters.com سايتىنا سىلتەمە جاساي وتىرىپ.

دەرەككوزدە كورسەتىلگەندەي، ۆاشينگتون مۇنداي قادامعا ۋكراينانىڭ شىعىس بولىگىندەگى سەپاراتيستىك شابۋىلداردى جويۋعا كومەكتەسۋ ءۇشىن بارىپ وتىر.

«ءبىز تەك قورعانىس جاعىنان كومەك كورسەتىپ وتىرمىز جانە دە ۋكراينا ەگەمەندى ەل بولىپ تابىلادى، سوندىقتان دا ولار وزدەرىن قورعاۋعا تولىق قۇقىلى»، - دەلىنگەن دەپارتامەنت مالىمدەمەسىندە.

بۇل شەشىم ۋكراينانىڭ اۋماقتىق تۇتاستىعى مەن ەگەمەندىگىن ساقتاۋعا جانە دە ودان ءارى اگرەسسيانى توقتاتۋ ءۇشىن قابىلدانعان.

الايدا، قانداي قورعانىستى نىعايتۋ قاجەتتىلىگى تالقىلانباعان.

ايتا كەتەر بولساق، اقش مەملەكەتتىك دەپارتامەنتىندە جەرگىلىكتى ب ا ق وكىلدەرى اقش پرەزيدەنتى دونالد ترامپ ۋكرايناعا تانككە قارسى زىمىرانداردى ساتۋ جوسپارىن ماقۇلداعاندىعى تۋرالى جازعان بولاتىن. قورعانىس قۇرالدارىنىڭ جالپى سوماسى 47 ميلليون دوللاردى قۇرايدى. ونىڭ قۇرامىندا 210 تانككە قارسى زىمىران مەن 35 ۇشىرۋ قوندىرعىسى بار.