سىبايلاس جەمقورلىققا قاتىستى ەشقانداي شارا قولدانباعاندىقتان وقو اكىمىنىڭ ورىنباسارى تارتىپتىك جاۋاپكەرشىلىككە تارتىلدى، دەپ حابارلايدى Qamshy.kz اقپارات اگەنتتىگى مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساي وتىرىپ.

اگەنتتىكتىڭ حابارلاۋىنشا، وزىنە جۇكتەلگەن مىندەتتى تيىسىنشە ورىنداماعان جانە دە پارا العانى ءۇشىن جاۋاپقا تارتىلعان  وقو ىشكى ساياسات باسقارماسىنىڭ باسشىسىنا سوتقا دەيىنگى تەرگەۋ جۇمىستارى بارىسىندا ەشقانداي شارا قولدانباعاندىقتان وقو اكىمىنىڭ ورىنباسارى ۇلاسبەك سادىبەكوۆكە «سوگىس» جاريالانىپ، تارتىپتىك جاۋاپكەرشىلىككە تارتىلعان.

ق ر قىلمىستىق كودەكسىنىڭ 200-بابىنا سايكەس وبلىستىق اكىمدىكتىڭ ىشكى ساياسات بولىمىنە باسشىلىق جۇرگىزەتىن سادىبەكوۆكە تارتىپتىك جازا تاعايىندالدى.

ەستەرىڭىزگە سالا كەتسەك، باسشى ءوز قولاستىنداعى جۇمىسشىلارىنىڭ بارلىق ىس-ارەكەتىنە جاۋاپتى بولىپ تابىلادى.

وقو ىشكى ساياسات باسقارماسىنىڭ باسشىسى تولەگەن ب. اعىمداعى جىلدىڭ قازان ايىندا 2،1 ميلليون تەڭگە كولەمىندە پارا الدى دەگەن ايىپپەن ۇستالعان بولاتىن. قازىرگى ۋاقىتتا وقو ىشكى ساياسات باسقارما باسشىسىنىڭ ءىسى سوتتا قارالىپ جاتىر.