قازاقستاندىق ەرەجەسىز جەكپە-جەك شەبەرى "سۇڭقار" اتىمەن تانىلعان  ارمان وسپانوۆ ماسكەۋدە وتكەن اسۆ 77 تۋرنيرىندە رەسەيلىك سپورتشى الەكساندر پولپۋدنيكوۆتەن تورەشىلەر شەشىمى بويىنشا جەڭىلدى، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساي وتىرىپ.

جارتىلاي جەڭىل سالماقتا وتكەن جەكپە-جەك 3 راۋندقا جوسپارلانعان بولاتىن. ءبىرىنشى راۋند اياقتالار تۇستا ارمان بىرنەشە اۋىر سوققى الىپ، ەسىن جيىپ ۇلگەردى. ناتيجەسىندە ۋاقىت دابىلى قوس سپورتشىنىڭ دەم الۋىنا مۇمكىندىك بەردى. ال ەكىنشى راۋند اسا تارتىستى ءوتتى. رەسەيلىك سپورتشى العا ۇمتىلا تۇسسە، اڭدىسىن تاپقان ارمان سوققىنىڭ استىنا العان. "سۇڭقاردىڭ" سوققىلارى ءدوپ تيۋىمەن ەرەكشەلەندى. ايتسە دە ەكى سپورتشىنىڭ دا وسى ساتتە شارشاعانى انىق بايقالدى. ءبىر-بىرىنىڭ جويقىن سوققىلارىن كوتەرىپ قانا قويماي، جۇدىرىق سىلتەپ، تىعىرىقتان شىعار جول ىزدەدى. بۇل جولى دا سپورتشىلاردى ەكىنشى راۋندتىڭ ۋاقىت دابىلى تىنىستاپ الۋلارىنا مۇرشا بەردى. ءۇشىنشى راۋندتا ەكەۋى دە شابۋىلعا اسىقپادى. "سۇڭقار" ادىسكە سالۋعا اسىققانمەن، قارسىلاسى مۇمكىندىك بەرمەدى.

بۇل راۋندتا ارمان قارسىلاسىنا ەسە جىبەرە قويعان جوق. ناتيجەسىندە ۋاقىت تا اياقتالىپ، جەڭىمپازدى تورەشىلەر انىقتادى. ولار 4:1 ەسەبىمەن الەكساندر پولپۋدنيكوۆتى جەڭىمپاز رەتىندە تانىدى. ال جينالعان كورەرمەن تورەشىلەر شەشىمىمەن كەلىسپەيتىنىن ءبىلدىرىپ، رەسەيلىك سپورتشىعا ءسوز بەرگەندە ىسقىرىققا باستى.

ارمان وسپانوۆ پەن الەكساندر پولپۋدنيكوۆ وسىعان دەيىن دە بىر-بىرىمەن كەزدەسكەن. 2013 جىلى League S-70 تۋرنيرىندە وتكەن جەكپە-جەكتە وتانداسىمىز قارسىلاسىن ءبىرىنشى راۋندتا-اق جەڭىپ شىققان بولاتىن.

بۇگىنگى جەكپە-جەك قورىتىندىسى بويىنشا ءبىر-بىرىن جەڭىپ، ناتيجەلەرى تەڭەستى. ال كەلەسى كەزدەسۋگە رەسەيلىك سپورتشى قارسى ەمەس ەكەنىن ايتا كەتتى.

— ەگەر تورەشىلەر شەشىمى ۇناماي جاتسا، ءۇشىنشى جەكپە-جەككە شىعۋعا دايىنمىن. ارينە، ارمان كەلىسسە. ءسويتىپ نۇكتەسىن قوياتىن بولامىز، - دەدى الەكساندر. 

العاشقى كەزدەسۋىندە جاپون سپورتشىسى تايچي ناكاجيمانى ەكىنشى راۋندتا نوكاۋتپەن جەڭدى. ەكىنشى جەكپە-جەگىن الماتىداعى اسۆ 69 ءتۋرنيرىنىڭ باستى جەكپە-جەگىندە برازيليالىق سپورتشى تياگو سيلۆاعا قارسى وتكىزىپ، قارسىلاسىنا ەسە جىبەرىپ العان. بۇل - وتانداسىمىزدىڭ سپورتتىق مانسابىنداعى العاشقى جەڭىلىسى ەدى. بۇگىن ەكىنشى رەت جەڭىلدى. ايتا كەتەيىك، اسۆ 77 تۋرنيرىندە قازاق سپورتشىسى اسىلجان باقىتجان ۇلى دا قاتىسىپ، رەسەيلىك مۋسليم ماحمۋدوۆتى ەكىنشى راۋندتا نوكاۋتپەن جەڭدى.