بۇگىن ەلباسى قىرعىزستان پرەزيدەنتى سوورونباي جەەنبەكوۆپەن وتكەن كەزدەسۋدە ەكى ەلدىڭ ەجەلدەن كەلە جاتقان دوستاستىعى مەن ەرەكشە قارىم-قاتىناسى جونىندە اتاپ ءوتتى، دەپ جازادى Qamshy.kz اقپارات اگەنتتىگى. 

ء-بىز قىرعىزستان مەن قازاقستان اراسىنداعى ءبىزدى دە، سىزدەردى دە الاڭداتقان ماسەلەلەردىڭ شەشىمىن تاپتىق. سوندىقتان بۇگىندە ءبىز تاعى دا قانداي شارالار جاساۋ كەرەكتىگى جونىندە پىكىر الماسا الامىز، دەپ باستادى ءسوزىن نۇرسۇلتان نازاربايەۆ. ول ايتارىن ورىس تىلىندە باستاپ، سوورونباي جەەنبەكوۆكە ءسوز بەردى. الايدا جەەنبەكوۆ قىرعىزشا جاۋاپ قاتتى:

-ەڭ الدىمەن سىزگە راحمەت ايتقىم كەلەدى. قازاق باۋىرلارىمىز سامولەتتەن تۇسكەن كەزدەن باستاپ، الدان جىلى مەيماندوستىقپەن كۇتىپ الدى. مۇنىڭ بارلىعىن كەلە سالا سەزىپ جاتىرمىز، كوپ ماسەلەلەردى بىرگە شەشەمىز جاقسى ايتىپ كەتتىڭىز، دەي وتىرىپ قازاق-قىرعىز شەكاراسىنداعى ماسەلە، فيتوسانيتارلىق-ۆەتەرەنارلىق جانە سالىق بويىنشا ءبىرقاتار كۇردەلى سۇراقتاردىڭ ءساتتى شەشىمىن تاپقاندىعىن اتاپ ءوتتى.

نۇرسۇلتان نازاربايەۆ: «قازاقتاردىڭ اراسىندا كوپشىلىگى قىرعىز ءتىلىن تۇسىنە بەرمەيدى، سوندىقتان مەنىڭ ورىس تىلىندە سويلەگەنىم دە سول»، دەپ جەەنبەكوۆتى قولداپ وتىردى.

ەلباسى: -ەكىنشى رەت كەزدەسىپ وتىرمىز. وسى ۋاقىتقا دەيىن كوپتەگەن شەشىلمەگەن ماسەلەلەر بولدى. ءسىزدىڭ جاعىمىزدان دا، ءبىزدىڭ جاعىمىزدان دا بيىلعى كەزدەسۋىمىز ەكى ەلدىڭ اراسىنداعى ديپلوماتيالىق كەزدەسۋىمىز قازاقستان مەن قىرعىزستاننىڭ اراسىنداعى ەجەلدەن كەلە جاتقان دوستىق-باۋىرلىق، كورشىلىك قاتىناستى نىعايتۋعا سەپتىگىن تيگىزدى. ەكى ەل اراسىنداعى كەلىسىمدە كورسەتىلگەندەي،  دوستىق، ستراتەگيالىق قارىم-قاتىناس دەگەن ۇعىمدار بار. وسىلايشا ەكى ەلدىڭ اراسىنداعى قارىم-قاتىناستىڭ جاڭا پاراعىن اشامىز دەپ سەنەمىن.

جيىرما بەس جىلدىڭ ىشىندە ەكى ەلدىڭ تاۋەلسىزدىگى نىعايدى. 150 قۇجاتقا قول قويىلدى، ونداي قۇجاتتىق بازا ەشكىمدە جوق شىعار دەپ ويلايمىن. سوندىقتان مۇنداي قارىم-قاتىناس باسقا ەلدەردىڭ اراسىندا جوق، تەك ءبىزدىڭ مەملەكەتتەر اراسىندا بار. وسىنشاما  قۇجاتتارعا، كەلىسىم شارتتارعا قول قويىلدى. سوندىقتان كەيبىر جاعدايلاردى ارتقا تاستاپ، تەك العا قاراي ۇمتىلۋىمىز كەرەك. مەن ءوزىم وعان ابدەن دايىنمىن.

نازاربايەۆ: - مىنا جەردە وتىرعان ازاماتتاردىڭ بارلىعى ءتۇسىنۋى ءۇشىن «مەجدۋنارودنىي يازىككە» كوشەيىك، دەپ ازىلدەپ ءسوزىن ءارى قاراي جالعادى.