اۋا رايىنىڭ كۇرت قۇبىلۋىنا (كوكتايعاق) بايلانىستى 5 وبلىستا اۆتوجولدار جابىلدى. بۇل تۋرالى Qamshy.kz اقپارات اگەنتتىگى ق ر ءىىم توتەنشە جاعدايلار كوميتەتىنە سىلتەمە جاساپ حابارلايدى.

قاراعاندى وبلىسىندا اۆتوكولىكتىڭ بارلىق تۇرلەرى بويىنشا بارلىق باعىتتارعا قوزعالىس شەكتەلدى. پاۆلودار وبلىسىندا رەسپۋبليكالىق ماڭىزى بار «پاۆلودار - شارباقتى» (0-112 كم، پاۆلودار - رف شەكاراسى) اۆتوجولىندا، پاۆلودار - قاراعاند جانە پاۆلودار - شقو شەكاراسى باعىتتارىندا جولدار اۆتوكولىكتىڭ بارلىق تۇرلەرى بويىنشا بارلىق باعىتتارعا قوزعالىس شەكتەلگەن.

شىعىس قازاقستان وبلىسىندا اۋا رايىنىڭ كۇرت قيىنداۋىنا بايلانىستى (قار، كوكتايعاق) رەسپۋبليكالىق ماڭىزى بار «ومبى - مايقاپشاعاي» (585-733 كم، پاۆلودار وبلىسىنىڭ شەكاراسى - سەمەي) اۆتوجولى كولىكتىڭ بارلىق ءتۇرى ءۇشىن جابىلدى.

بۇدان تىس، وبلىستىق ماڭىزى بار «سەمەي - كۋرچاتوۆ» (4-130 كم) اۆتوجولى ۋچاسكەسىندەگى قوزعالىس كولىكتىڭ بارلىق ءتۇرى ءۇشىن شەكتەلدى. اقمولا وبلىسىندا   اۆتوكولىكتىڭ بارلىق تۇرلەرى بويىنشا رەسپۋبليكالىق ماڭىزى بار «ەكاتەرينبۋرگ-الماتى» (ارشالى كەنتىنەن قاراعاندى وبلىسىنا دەيىنگى اۋماق، 1330-1353 كم) تاس جولىندا قوزعالىس شەكتەلگەن.

الماتى وبلىسىندا رەسپۋبليكالىق ماڭىزى بار الماتى - وسكەمەن جولىنىڭ 558-615 كيلومەترلەرى ارالىعىنداعى ۋچاسكە جولاۋشى جانە جۇك اۆتوكولىكتەرى ءۇشىن جابىق.