الماتى قالاسى مەدەۋ اۋدانىنىڭ پوليسەيلەرى اقش ازاماتىنىڭ اقشاسىن قايتارۋعا كومەكتەستى. جەكە تاسىمالداۋشى شەتەلدىكتەن الماتى حالىقارالىق اۋەجايىنان "قازاقستان" قوناقۇيىنە دەيىن 40 مىڭ تەڭگە العان، دەپ حابارلادى ىشكى ىستەر دەپارتامەنتىنىڭ باسپا ءسوز قىزمەتى. 

"قوناق ءۇي قىزمەتكەرلەرى دابىل قاعىپ، "102" پۋلتىنە بولعان جايتتى حابارلادى. ءبىز دەرەۋ جۇرگىزۋشىنىڭ جەكە تۇلعاسىن انىقتاپ، ونى ىشكى ىستەر باسقارماسىنا شاقىردىق. ەر ادام شەتەل ازاماتىنىڭ قالانى بىلمەيتىنىن پايدالانىپ، جولاقىنى ادەيى كوتەرىپ ايتقانىن مويىندادى. ول 53 جاستاعى ايەلگە اقشاسىن قايتارىپ بەردى"، — دەيدى مەدەۋ اۋدانى ءىىب باستىعى بولات توتىبايەۆ. 

پوليسيا مايورىنىڭ ايتۋىنشا، اقش ازاماتى قايىرىمدى قازاقستاندىقتارعا كومەك كورسەتكەنى ءۇشىن العىس ايتقان.  

"سونىمەن قاتار، ءبىز تاكسي جۇرگىزۋشىسىنە ەلىمىزدىڭ يميدجىنە تەرىس ىقپال ەتەتىن مۇنداي فاكتىلەرگە جول بەرمەۋ كەرەك ەكەنىن تۇسىندىردىك"، — دەپ تۇيىندەدى ول.