رەسەي پرەزيدەنتى ۆلاديمير پۋتين ورتالىق سايلاۋ كوميسسياسىنا 2018 جىلدىڭ ناۋرىزىندا وتەتىن پرەزيدەنت سايلاۋىنا قاتىسۋ ءۇشىن قۇجاتتارىن تاپسىردى. رەسەيلىك اقپارات اگەنتتىگىنىڭ حابارلاۋىنشا، كوميسسيا مۇشەلەرى پۋتيننەن قۇجاتىن قابىلداپ العانى تۋرالى حاتتاما تولتىرعان، دەپ Qamshy.kz اقپارات اگەنتتىگى ازاتتىققا سىلتەپ جازادى. 

پۋتين پرەزيدەنت سايلاۋىنا كانديدات رەتىندە 26 جەلتوقساندا ماسكەۋدىڭ ۆدنح پاۆيلونىندا وتكەن جيىندا ۇسىنىلعان. باستاماشىل توپ جيىنىنا بيلىك وكىلدەرىنەن وزگە مادەنيەت، سپورت جانە شوۋ-بيزنەس وكىلدەرى دە قاتىسقان. ءپۋتيننىڭ ءوزى بۇل شارادا بولمادى. كرەمل مۇنىڭ الدىندا ءپۋتيننىڭ «جۇمىس كەستەسى تىعىز، قولى بوسامايتىندىقتان» باستاماشىل توپ جيىنىنا قاتىسپايتىنىن حابارلاعان.

ءپۋتيننىڭ جاسى ءقازىر 65-تە. ول رەسەيدى 1999 جىلدىڭ اياعىنان بەرى باسقارىپ كەلەدى. ول ءتورت جىل ۇكىمەت باسشىسى، 13 جىل ەل پرەزيدەنتى رەتىندە بيلىكتە وتىر.