قازاقستاندىق بيزنەسمەن، قازاقستاننىڭ رەسەيدەگى ەلشىسى يمانعالي تاسماعامبەتوۆتىڭ كۇيەۋبالاسى كەڭەس راقىشيەۆ رەسەيدىڭ التىن وندىرەتىن Petropavlovsk كومپانياسى يەگەرلەرىنىڭ ءبىرى اتاندى دەپ حابارلادى Reuters اگەنتتىگى. ب ا ق 38 جاستاعى كەڭەس راقىشيەۆ كاسىپورىن ۇلەسىن رەسەيلىك ميللياردەر ۆيكتور ۆەكسەلبەرگتىڭ Renova Group كومپانياسىنان ساتىپ العانىن حابارلادى، دەپ جازادى Qamshy.kz اقپارات اگەنتتىگى. 

Renova Group كومپانياسى Reuters اگەنتتىگىنە Petropavlovsk كومپانياسى اكسياسىنىڭ 22 پايىزىن ساتىپ الۋ كەلىسىمى اياقتالعانىن راستاعانىمەن، ونىڭ ءمان-جايى تۋرالى ايتۋدان باس تارتقان.

«ينتەرفاكس» اگەنتتىگى كەڭەس راقىشيەۆتىڭ رەسەيلىك كومپانيا اكسياسىنا ءوزى قاداعالايتىن كيپرلىك Fincraft Holdings Ltd. فيرماسى ارقىلى يە بولعانىن حابارلادى.

Reutersء-تىڭ مالىمەتىنشە، Petropavlovsk كومپانياسىنىڭ نارىقتاعى كاپيتالى بيىل 8 پايىزعا (331 ميلليون دوللارعا دەيىن) وسكەن. رەسەيدەگى ەڭ ءىرى التىن وندىرەتىن كومپانيالاردىڭ ءبىرى سانالاتىن Petropavlovskء-نىڭ باس كەڭسەسى لوندوندا ورنالاسقان. كومپانيا رەسەيدىڭ قيىر شىعىسى مەن امۋر وبلىسىنداعى التىن كەنىشتەرىن يگەرەدى.

قازاقستاندىق Forbes جۋرنالى كەڭەس راقىشيەۆتىڭ بايلىعىن 705 ميلليون دوللارعا باعالايدى. باسىلىم مالىمەتىنشە، راقىشيەۆ SAT & Company وندىرىستىك حولدينگى اكسياسىنىڭ باقىلاۋ پاكەتىنە يە. ونىڭ Standard ساقتاندىرۋ كومپانياسىندا، Central Asia Metals Plc مەتاللۋرگيالىق كومپانياسىندا جانە ترانزاكسيا قىزمەتىن كورسەتەتىن NetElement كومپانياسىندا ۇلەسى بار. راقىشيەۆ بيىل كازكوممەرسبانكتەگى 86،09 پايىز اكسيا پاكەتىن «حالىق بانكىنە» 1 تەڭگەگە ساتقان.

كەڭەس راقىشيەۆ ءار جىلدارى قازاقستان پرەمەر-مينيسترى، قورعانىس ءمينيسترى، الماتى اكىمى، پرەزيدەنت اكىمشىلىگىنىڭ جەتەكشىسى بولىپ قىزمەت اتقارعان 61 جاستاعى يمانعالي تاسماعامبەتوۆتىڭ قىزى اسەل تاسماعامبەتوۆاعا ۇيلەنگەن. تاسماعامبەتوۆا 2017 جىلى اقپاندا قازاقستاننىڭ رەسەيدەگى ەلشىسى بولىپ تاعايىندالعان.