"قالاۋلىم" باعدارلاماسىنىڭ قاتىسۋشىسى ايگەرىم نۇركەيەۆا باعدارلامانى سوتقا بەرەتىنىن مالىمدەدى. بۇل تۋرالى Qamshy.kz اقپارات اگەنتتىگى حابارلايدى. 

جاس قىزدىڭ ايتۋىنشا، "قالاۋلىم" باعدارلاماسىنداعى قاتىسۋشىلارعا قاتىسقاندارى ءۇشىن اقشا تولەنەدى. سونىمەن بىرگە، باعدارلاماداعى جۇپتارعا، ولاردىڭ سەرۋەندەرىنە، كيىمدەرىنە دە اقشا تولەنىپ، بارلىعى الدىن-الا ۇيىمداستىرىلادى. 

قازىرگى ۋاقىتتا باعدارلامانىڭ جۇمىس ىستەپ جاتقانىنا 6 ايدىڭ ءجۇزدى بولسا دا، ءالى بىردە-بىر جۇپ ۇيلەنىپ، شىنايى ومىردە قوسىلماعان دەيدى ايگەرىم. سونىمەن بىرگە، ايگەرىم نۇركەيەۆا ءاربىر ايتىلعان سوزىنە دالەل بار ەكەنىن ايتادى.  "مەنى قولدايمىن دەگەن ادامدار، ۇيىماستىرۋشىلار مەنى شوۋ ءۇشىن پايدالانىپ، اقىرىندا تاستاپ كەتتى. مەن ولاردىڭ شىندىقتارىن ەلگە جاريا ەتەمىن"-،دەيدى قىز.

ونىڭ ايتۋىنشا، "قالاۋلىم"  باعدارلاماسى تەك رەيتينگ ءۇشىن جۇمىس ىستەيدى جانە باعدارلاما ۇيىمداستىرۋشىلارىنا شوۋ كەرەك.  ونىڭ قاتىسۋشىلارى باعدارلاماعا تەك پيار ءۇشىن عانا قاتىسادى.  

"مەن ولاردى (قالاۋلىم باعدارلاماسىن) سوتقا بەرەمىن، ولاردىڭ تۇبىنە جەتەمىن"،-دەيدى ايگەرىم.