مىنا وقيعالاردى وقي وتىرىپ، ناعىز قاتىگەزدىك پەن سوراقىلىققا كۋا بولاسىڭ.
قىز بالانى «سۇندەتتەۋ» تۋرالى ەسىگەنىڭىز بار ما؟ بۇل – ايەل ادامنىڭ سىرتقى جىنىس مۇشەلەرىن جارتىلاي نەمەسە تولىق تۇردە الىپ تاستاۋ. مۇنداي وتا ءتۇرى باعزى زامانداردا قولدانىلعان. الايدا، قازىرگى تاڭدا ازيانىڭ كەيبىر ەلدەرى مەن تاياۋ شىعىس، افريكا ەلدەرىندە بۇل پروسەدۋرا ءالى دە ءوزىنىڭ قولدانىستاعى وزەكتىلىگىن جويماي كەلەدى.
بۇگىنگى كۇنى وسىنداي سالت-جورانى باستان وتكەرگەن 125 ميلليون ايەل بار ەكەن.
اشا مايلز ەسىمدى تانىمال فوتوگراف پەن جۋرناليست ناديا پيانكوۆا قاتىگەز سالتتىڭ قۇربانىنا اينالعان گامبيا ايەلدەرىنىڭ تاعدارى تۋرالى جوبا جاساعان. وسى ايەلدەردىڭ وقيعالارىن Qamshy.kz اقپارات اگەنتتىگى وقىرمان نازارىنا ۇسىنادى.
ايدا مبەنگا 22 جاستا
گامبيالىق ازاماتتاردىڭ كوپشىلىگى سوراقى وتالاردىڭ ءبىرسىپىراسىن جاساتادى، الايدا تەك ءبىراز ۋاقىتتان كەيىن عانا ولار دەنساۋلىقتارىنا وراسان ءقاۋىپ تۋعانىن تۇسىنەدى. سوڭعى ۋاقىتتارى قىز بالانىڭ سۇندەتتەلۋىنىڭ قاۋىپتىلىگى تۋرالى اقپارات جان-جاقتى تارالا باستادى. وتكەن عاسىرلاردا بۇل ءداستۇرىمىزدىڭ مىزعىماس ءبىر بولىگى ەدى. ستاتيستيكاعا سايكەس، 76 پايىز ايەلگە وسىنداي وتا جاسالعان. الايدا، 2015 جىلدان باستاپ رەسمي تۇردە وتاعا تىيىم سالىندى.
"«سۇندەللۋىم» مۇلدەم ەسىمدە جوق. انامنىڭ سول كۇنى تۋعان كۇنگە بارامىز دەپ باسقا ءبىر جەرگە الىپ كەتكەنى ەسىمدە. ومىرىمدە كوزىم كورمەگەن بەلگىسىز ايەل ادامعا اپاردى. ارى قاراي ەسىمدى جيسام، اۋرۋحانادا جاتىر ەكەنمىن. دارگەرلەر كوپ قان جوعالتتىڭ دەپ ايتقان بولاتىن"-دەيدى ايەل.
سارو ۆاح، 37 جاستا
«ورمانعا بارىپ، اعاش الىپ كەلەمىز» دەگەن انامنىڭ سوزدەرىن ەشقاشان ۇمىتپايتىن شىعارمىن. وسى سوزدەردىڭ ارتىندا وسىنشالىقتى ۇلكەن قايعى جاتارىن كىم بىلگەن؟ ورماندا ءبىزدى ءبىر ايەل كۇتىپ تۇردى. تاعى مەنىمەن قۇرداس بىرنەشە قىزدار بولعانى ەسىمدە. بارلىعى وتە تەز بولدى: الگى ايەل ەشقانداي الدىن-الا تەكسەرۋسىز ينە تىعىپ، پىشاق جۇزىمەن جىنىس مۇشەمدى كەسىپ سالدى. اۋرۋدى جەڭىلدەتۋ ءۇشىن ەسەكتىڭ ءناجىسى قولدانىلدى. بىرنەشە اپتا بويى قاتتى اۋىردىم».
«14 جاستا تۇرمىسقا شىقتىم. الايدا، بۇل ءوز تاڭداۋىم بولاتىن. 5 بالانى بوساندىم، بويىمداعى جارالاردىڭ كەسىرىنەن بوسانعاندا قاتتى قينالدىم»-،دەيدى ايەل. بۇگىن قىزداردى «سۇندەتتەۋ» زاڭمەن تىيىم سالىنسا دا، بۇل پروسەسس قۇپيا تۇردە جۇرگىزىلەدى. مۇنىڭ بارىنە توقتاۋ بولۋى ءتيىس.
ساينابۋ باح، 19 جاستا
«مەن 9 جاسىمدا سۇندەتتەلدىم. اپكەلەرىمنەن الدىن-الا ماعان وسىنداي وتانىڭ جاسالاتىنىن ءبىلدىم. بارلىعى ۇلكەن سالتاناتتى شارا سەكىلدى ءوتتى. سىرتتان مەيرام تويلانىپ جاتقانداي كورىنەتىن شىعار: بي، ان-كۇي، ءتاتتى ءتاعادمدار-بارى بولدى.
بۇل سەزىمدى ەشقاشان ۇمىتپايتىن. وتا جاسالعاننان كەيىن بىرنەشە كۇن بويى السىرەپ، ورنىمنان تۇرا الماي جاتتىم. كەيىنىرەك انام بۇل ء-بىزدىڭ سالتىمىز ەكەنىن ايتىپ ءتۇسىندىردى»-دەيدى قىز.
فاتۋ باح، 31 جاستا
"مەنى سۇندەتتەۋ كەزىندە ەشقانداي سالتانات بولعان جوق. مەن ول كەزدە 10 جاستا ەدىم. اعاش اراسىنا اپارىپ، بەس ادام قول-اياعىمدى ۇستاپ تۇردى. سەبەبى مەن كۇشتى بولاتىنمىن. مەنى ۇيگە اپارعان كەزدە كوپ قان جوعالقاندىقتان، ولۋگە شاق قالدىم. تۇرمىسقا شىققان سوڭ، مەن ءوزىمنىڭ سۇندەتتەلۋىممەن قوسا، جىنىس مۇشەمنىڭ تىگىلگەنىن ءبىلدىم. قايتادان وتا جاساتىپ، بۇرىن كورگەن سۇمدىقتىڭ بارلىعىن قايتا وتكەردىم. بالالارىمدى كەساريەۆو جاساتۋ ارقىلى بوساندىم.
ۇزاق ۋاقىت بويى بۇل سالتتى دۇرىس دەپ ەسەپتەپ كەلدىم. الايدا ءقازىر ءوز پىكىرمدى وزگەرتتىم. قىز بالانى سۇندەتتەۋ-قورقىنىشتى نارسە. ءوز قىزىما مۇنداي ءومىردى قالامايمىن"-دەيدى ايەل.
پىكىر قالدىرۋ