الماتىدا ءىىم-نىڭ پوليسيا پودپولكوۆنيگى مەن اعا تەرگەۋشىسى 30 مىڭ اقش دوللارى كولەمىندە پارا الىپ جاتقان جەرىندە ۇستالدى، دەپ حابارلايدى قازاقپارات. ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى قالاسى بويىنشا دەپارتامەنتىنىڭ رەسمي وكىلى نۇرلان ءجاحيننىڭ ايتۋىنشا، پوليسەيلەر 3 قاڭتار كۇنى ۇستالعان.
«الماتى قالاسىندا ق ر ىشكى ىستەر مينيسترلىگىنىڭ وڭتۇستىك ايماقتىق ۇيىمداسقان قىلمىسپەن كۇرەس باسقارماسىنىڭ پودپولكوۆنيگى ا. گريگوريەۆ پەن ق ر ءىىم تەرگەۋ دەپارتامەنتىنىڭ اعا تەرگەۋشىسى، كاپيتان ا.نۇربولاتوۆ جەكە تۇلعادان ونى قىلمىستىق جاۋاپكەرشىلىككە تارتپاۋ ءۇشىن 30 مىڭ اقش دوللارى كولەمىندە پارا الىپ جاتقان كەزىندە ۇستالدى»، - دەلىنگەن حابارلامادا. كۇدىكتىلەر الماتى قالاسى ءىىد ۋاقىتشا تەرگەۋ يزولياتورىنا قامالدى.
پىكىر قالدىرۋ