قارۋ-جاراق قولدانۋ ارقىلى قىلمىس جاساۋدىڭ الدىن الۋ ماقساتىندا 2017 جىلدىڭ ساۋىرىنەن سول جىلدىڭ جەلتوقسانىنا دەيىن رەسپۋبليكا اۋماعىندا حالىقتان زاڭسىز تۇردە جارىلعىش زاتتار مەن وق-دارىلەردى ساتىپ الۋ اكسياسى ءوتتى. بۇل تۋرالى ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ فەيسبۋكتەگى پاراقشاسىندا مالىمدەدى، دەپ حابارلايدى Qamshy.kz اقپارات اگەنتتىگى.
«شارا ناتيجەسىنە سايكەس، ىشكى ىستەر ورگاندارىنا 3 مىڭعا جۋىق اتىس قارۋىن، 60 مىڭنان استام ءوق-دارى مەن 14 كەلى جارىلعىش زاتتاردى وتكىزىپ 2،1 مىڭ ازامات جۇگىنگەن. حالىقتان قارۋ-جاراقتى ساتىپ الۋ شاراسى 2012 جىلدان بەرى جۇرگىزىلىپ كەلەدى»، - دەپ جازدى سادۋبايەۆ.
ونىڭ ايتۋىنشا، سوڭعى 5 جىلدا قارۋ-جاراق قولدانۋ ارقىلى جاسالاتىن قىلمىستار 55 پايىزعا تومەندەگەن. ازاماتتاردىڭ قارۋ-جاراقتى، وق-دارىلەر مەن جارىلعىش زاتتاردى ءوز ەرىكتەرىمەن قايتارىمسىز نەگىزدە تاپسىرۋ ءتارتىبى ىشكى ىستەر مينيسترلىگىنىڭ رەسمي سايتىندا ورنالاسقانىن اتاپ وتكەن.
