تەمىرتاۋ قالاسىنىڭ اكىمىنەن قالاعا جاۋعان قاردىڭ بەتى اپ-ساتتە قارايىپ كەتۋىنە بايلانىستى ەكولوگيا دەپارتامەنتىنە حات جولداندى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. تەمىرتاۋ اكىمىنىڭ باسپا ءسوز حاتشىسى ولگا گورياچيەۆانىڭ ايتۋىنشا، قالا باسشىسى ەكولوگتارعا قارا ءتۇستى قاردىڭ سۋرەتىن جىبەرىپ، ماسەلەنىڭ ءمان-جايىن انىقتاۋدى سۇراعان.
جەرگىلىكتى اكىمدىك وسىنداي حاتتى ەكولوگتارعا 2017 جىلى دا جىبەرگەن بولاتىن. قالاداعى ەڭ ءىرى كاسىپورىن «ارسەلورميتتال تەمىرتاۋ» 2017-2019 جىلدىڭ جۇمىس جوسپارىنا 23 ەكولوگيالىق جوبا كىرەتىنى تۋرالى حابارلاما تاراتقان بولاتىن. ازىرگە بايقالعانى اۋانى ساقتاۋ بويىنشا 7 جوبا، سۋ رەسۋرستارىن قورعاۋعا بايلانىستى 3 جوبا عانا.
سونىمەن قاتار، كومپانيا اتالمىش جوبالارعا جۇزدەگەن ميلليون تەڭگە جۇمساپ جاتقانىن ايتادى.
