الماتىدا Mercedes پەن اۆتوبۋستىڭ سوقتىعىسۋى سالدارىنان ءۇش ادام زارداپ شەكتى، دەپ حابارلايدى Qamshy.kz اقپارات اگەنتتىگى patrul.kz پورتالىنا سىلتەمە جاساپ.
جول-كولىك وقيعاسى 7 قاڭتاردا 22:00 شاماسىندا تولە بي كوشەسىندە بولعان. اۆتوبۋس پەن Mercedes ءاۆتوموبيلى تولە بي كوشەسىنىڭ بويىمەن شىعىس اينالما جولىنان باتىسقا قاراي بارا جاتقان. قايىربەكوۆ كوشەسىنە جەتەر-جەتپەستە جەڭىل كولىكتىڭ جۇرگىزۋشىسى رۋلگە يە بولا الماي، الدىمەن جول شەتىندەگى قورشاۋدى، ارتىنشا ەكپىنىمەن بارىپ الدىنداعى اۆتوبۋستى سوققان.
وقىس وقيعا سالدارىنان Mercedes-تەگى ءۇش ادام جاراقاتتانعان. «جەدەل جاردەم» ولاردى سول ماڭداعى اۋرۋحاناعا جەتكىزگەن. قوعامدىق كولىكتە جولاۋشىلار بولماعان. جول-پاترۋل پوليسياسى قىزمەتكەرلەرى وقيعانىڭ ءمان-جايىن تەكسەرىپ جاتىر.
